રાજકોટ, તા., ૨૧ : મોરબી જીલ્લાના હળવદ તાલુકાનાં ચરાડવામાં આવેલ શ્રી મહાકાળી આશ્રમના બ્રહ્મલીન મહંત પૂ. દયાનંદગીરીજી મહારાજની માસિક પુણ્યતિથી નિમિતે કાલે તા. રરને રવિવારે ભજન-સંતવાણીનું આયોજન શ્રી મહાકાળી આશ્રમ ચરાડવા ખાતે કરાયું છે.

શ્રી મહાકાળી આશ્રમ ચરાડવા ખાતે પૂ. દયાનંદગીરીજી  મહારાજના કૃપાપાત્ર શિષ્ય પૂ.અમરગીરીજી મહારાજના સાનિધ્યમાં ભજન-સંતવાણી યોજાશે.

જેમાં ભજનીક હર્ષ મારૂ, ગૌરવ રાઠોડ અને ઉસ્તાદ પ્રવિણ મારૂ સહિતના રમઝટ બોલાવશે.

ભાવિકોને ભજન-સંતવાણીમાં ઉપસ્થિત રહેવા પૂ. અમરગીરીજી મહારાજ તથા સેવક સમુદાય દ્વારા આમંત્રણ પાઠવાયું છે.