<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Wednesday, 18th June 2025

જામનગર મહાનગરપાલિકા વિસ્તારમાં આજે ૫ નવા કોવિડ કેસ નોંધાયા : અત્યારસુધીમાં કુલ કેસ ૧૩૪ થયા : આજે ૬ દર્દીઓ ડિસ્ચાર્જ થતા કુલ ૮૦ સ્વસ્થ થયા : હાલ ૪૪ દર્દીઓ હોમ આઈસોલેશનમાં

દિક્જામ સર્કલ, રાંદલનગર, હીરજી મિસ્ત્રી રોડ, નાગેશ્વર અને રોયલ પુષ્પ પાર્કમાંથી નવા કેસ સામે આવ્યા

મુકુંદ બદીયાણી દ્વારા, જામનગર, 18 જૂન, 2025: જામનગર મહાનગરપાલિકા દ્વારા આજે તા. 18 જૂન, 2025 ના રોજ કોવિડ-19 ની અપડેટ માહિતી જાહેર કરવામાં આવી છે. શહેરમાં આજે ૫ નવા કોવિડ કેસ નોંધાતા કુલ કોવિડ કેસનો આંકડો ૧૩૪ પર પહોંચ્યો છે. જોકે, રાહતની વાત એ છે કે આજે ૬ દર્દીઓને કોવિડમાંથી સ્વસ્થ થતા ડિસ્ચાર્જ કરવામાં આવ્યા છે, જેથી અત્યાર સુધીમાં કુલ ૮૦ દર્દીઓ સાજા થઈ ચૂક્યા છે. હાલ શહેરમાં ૪૪ વ્યક્તિઓ હોમ આઈસોલેશનમાં સારવાર લઈ રહ્યા છે, જ્યારે કોઈ પણ દર્દી હોસ્પિટલમાં દાખલ નથી અથવા આજે હોસ્પિટલમાંથી કોઈને રજા આપવામાં આવી નથી.
આજના ૫ નવા કોવિડ કેસ શહેરના વિવિધ વિસ્તારોમાંથી નોંધાયા છે, જેમાં દિક્જામ સર્કલ, રાંદલનગર, હીરજી મિસ્ત્રી રોડ, નાગેશ્વર અને રોયલ પુષ્પ પાર્કનો સમાવેશ થાય છે. આ નવા કેસોમાં દિક્જામ સર્કલમાંથી 48 વર્ષીય પુરુષ, રાંદલનગરથી 20 વર્ષીય પુરુષ, હીરજી મિસ્ત્રી રોડ પરથી 45 વર્ષીય સ્ત્રી, નાગેશ્વરથી 58 વર્ષીય સ્ત્રી અને રોયલ પુષ્પ પાર્કમાંથી 28 વર્ષીય સ્ત્રીનો સમાવેશ થાય છે. મહાનગરપાલિકા દ્વારા આ વિસ્તારોમાં જરૂરી આરોગ્યલક્ષી પગલાં લેવામાં આવી રહ્યા છે અને સ્થાનિકોને કોવિડ-19 ના નિયમોનું પાલન કરવા અપીલ કરવામાં આવી છે. શહેરમાં કોવિડના ફેલાવાને નિયંત્રિત કરવા માટે સતત દેખરેખ રાખવામાં આવી રહી છે.

 

(4:51 PM IST)