ખંભાળીયા તા. ૧૭: ગઇકાલે રાત્રે વરસાદી વાતાવરણ વચ્‍ચે અહીં રામનાથ સોસાયટી વિસ્‍તારમાં આવેલ ધર્મબાગ-એસ.એન.ડી.ટી. સોસાયટીમાં એક આસામીનો સર્વિસ વાયર તુટીને નીચે પડતા તથા તેમાં શોકસર્કીટના તણખા નીકળવા લાગતા લોકોમાં ભય ફેલાયો હતો. બનાવની જાણ થતાં આ વિસ્‍તારના લોહાણા યુવા અગ્રણી ચીરાગભાઇ દત્તાણીએ પી.જી.વી.સી.એલ. તંત્રને જાણ કરતા ઇજનેરશ્રી રોનક પટેલ તથા લાઇન ઇન્‍સ્‍પેકટર અનિલ વાટીયા દ્વારા આ વિસ્‍તારનો વીજ પુરવઠો તુરત જ બંધ કરી દઇ સમય સુચકતા વાપરતા મોટો અકસ્‍માત થતાં રહી ગયો હતો.

જીવંત વીજ વાયર પાણી સાથે અડતા મોટા વિસ્‍તારમાં વીજ કરંટ ફેલાતા મોટી દુર્ઘટના બની હોત જેનો બચાવ થયો.