(પ્રવિણ વ્‍યાસ દ્વારા) મોરબીઃ તા ૧૭,ગઈકાલે સવારથી ભાવનગર અને અમરેલી જિલ્લામાં મેઘતાંડવ શરૂ થયા બાદ ધીમેધીમે સૌરાષ્‍ટ્ર - કચ્‍છમાં મેઘાવી માહોલ જામ્‍યો હતો જેમાં રાત્રીના આઠ વાગ્‍યા બાદ મેઘરાજા મોરબી જિલ્લામાં મનમૂકીને વરસતા સીઝનના પ્રથમ વરસાદમાં જ મોરબીમાં ૧૨૪ મીમી, ટંકારામાં ૧૦૦ મીમી, હળવદમાં ૮૯ મીમી, વાંકાનેરમાં ૫૭ મીમી અને માળીયા મિયાણામાં ૪૬ મીમી વરસાદ વરસ્‍યો હતો. ચોમાસાના પ્રારંભે જ જિલ્લામાં પોણા બે ઇંચથી લઈ પાંચ ઈંચ સુધી વરસાદ વરસતા વાવણી લાયક વરસાદથી ખેડૂતો ખુશખુશાલ બન્‍યા છે.