પોરબંદરઃતા.૨૪:   જિલ્લા કલેક્‍ટર કચેરી ખાતે વર્ષાઋતુ ૨૦૨૫ ની પૂર્વ તૈયારી તથા  આગામી સમયમાં સમયમાં લો પ્રેશર સર્જાવાની અને વાવાઝોડાની આગાહી હવામાન વિભાગ દ્વારા વ્‍યક્‍ત કરવામાં આવી છે. આ સંદર્ભે પોરબંદર જિલ્લો પણ વિશાળ દરિયાઈ સપાટી ધરાવતો હોય અને વધુ અસરગ્રસ્‍ત થવાની શકયતાઓ રહેલી હોય તેથી પોરબંદર જિલ્લાના ઇન્‍ચાર્જ કલેકટર અને જિલ્લા વિકાસ અધિકારી શ્રી બી બી ચૌધરીના અધ્‍યક્ષ સ્‍થાને તાકીદે બેઠક બોલાવવામાં આવી હતી.

આ બેઠક દરમિયાન આગામી હવામાન વિભાગની આગાહી અનુસાર અરબી સમુદ્રમાં લો પ્રેશર સર્જાય શકે છે અને વાવાઝોડાની પણ શકયતાઓ છે, આ પરિસ્‍થિતિ દરમિયાન તમામ વિભાગોને ભૌતિક અને તંત્રાત્‍મક પ્રવળતિ સુનિﾍતિ કરવાની દિશામાં સૂચનાઓ આપવામાં આવી હતી.

જિલ્લાના ઇન્‍ચાર્જ કલેકટર અને જિલ્લા વિકાસ અધિકારીબી બી ચૌધરીએ જણાવવામાં આવ્‍યું હતું કે, તમામ અધિકારીઓ એલર્ટ મોડ પર રહે, કાંઠા વિસ્‍તારોમાં સ્‍થળાંતર કરાવવાની પણ જરૂર જણાઈ શકે તેવા સંજોગોમાં પણ અનુભવને ધ્‍યાને રાખીને કામગીરી કરવાની તૈયારી રાખવાની રહેશે. વધુમાં તેમણે રાઉન્‍ડ ધ ક્‍લોક કંટ્રોલ રૂમ ત્‍વરિત પણે ચાલુ કરવામાં આવે, ભૌગોલિક પરિસ્‍થિતિના અભ્‍યાસ આધારે રેસ્‍કયુ ટીમ, જીલ્લાના આશ્રયસ્‍થાનો તથા એન.જી.ઓ.ની યાદી તૈયાર કરી લેવામાં આવે,વોટર લોગીંગ માટે પ્રોમોન્‍સુનની જો કોઈ કામગીરી બાકી રહી ગયેલ હોય તો તે તાત્‍કાલિક પૂર્ણ કરવા, રોડ રસ્‍તા કોઈ બ્‍લોક થાય તો તાત્‍કાલિક તે દૂર કરવા માટે સંબંધિત વિભાગને એલર્ટ મોડ પર રહેવા સૂચના આપવામાં આવી હતી.

ડિઝાસ્‍ટર સમયે ઉપયોગમાં આવતા સાધનો હાથવગા રાખવા અને તેનું પ્રોપર લિસ્‍ટ કન્‍ટ્રોલરૂમમાં અવેલેબલ કરવા, જિલ્લાના દરિયા કાંઠાના ગામોમાં અવર્નેસ પ્રોગ્રામ કરવામાં આવે, ગામદીઠ હોમગાર્ડ, પોલીસજવાનો સહિત સ્‍વયં સેવકો રાખવામાં આવે, આરોગ્‍ય અંગે રેસ્‍કયૂ સમયે અને ત્‍યારબાદ તકેદારી માટે તૈયારી રાખવામાં આવે,મોટી ફેક્‍ટરીઓ અને ઇન્‍ડસ્‍ટ્રીયલ એરિયામાં કોઈ મોટી દુર્ઘટના ન બને તેની તકેદારી રખાય,  વીજપુરવઠો સતત જળવાય તેવી તકેદારી લેવામાં આવે, દરિયામાં રહેલી શિપિંગ બોટ તાત્‍કાલિક પાછી આવી જાય અને જરૂર જણાય ત્‍યારે લોકોને અનાજ, ફૂડ પેકેટ અને પુરવઠો પૂરતા પ્રમાણમાં મળી રહે તે માટે જરૂરી માર્ગદર્શન આપવામાં આવ્‍યું હતું.

 કલેકટરશ્રીએ ડિઝાસ્‍ટરની પરિસ્‍થિતિમાં તમામ વિભાગો અને અધિકારીઓ આપસી સંકલનમાં રહી એલર્ટ થઈ કામગીરી કરે તેવી સૂચના આપવામાં આવી હતી તથા કોઈ અધિકારી પરવાનગી વગર હેડ ક્‍વાટર ન છોડે તેવા કડક સૂચન અપાયા હતા.

આ બેઠકમા મહાનગર પાલિકા કમિશનર શ્રી એચ.જે. પ્રજાપતિ, અધિક નિવાસી કલેકટર શ્રી જે.બી.વદર, પોરબંદર પ્રાંત અધિકારી શ્રી સંદિપ જાદવ,કુતિયાણા પ્રાંત અધિકારી શ્રી નેહા સોજીત્રા, ઇન્‍ચાર્જ પુરવઠા અધિકારી શ્રી પ્રતિક જાખડ, આરોગ્‍ય વિભાગ, વનવિભાગ  સહિતના સબંધિત વિભાગનાં અધિકારીઓ ઉપસ્‍થિત રહ્યાં હતાં.