રાજકોટ તા. ૨૬: સુરેન્‍દ્રનગરના મુળી તાબેના શેખપર ગામે રહેતાં બાજુબા હઠીસંગ પરમાર (ઉ.વ.૬૦) નામના વૃધ્‍ધાએ ગઇકાલે બપોરે બે વાગ્‍યા આસપાસ પોતાના ઘરે એસિડ પી લેતાં મુળી સારવાર અપાવી રાજકોટ સિવિલ હોસ્‍પિટલમાં ખસેડાયા હતાં. પરંતુ અહિ રાત્રીના મૃત્‍યુ થતાં પરિવારમાં શોક છવાઇ ગયો હતો.

આપઘાત કરનારા બાજુબાના પતિ હયાત નથી. સંતાનમા ચાર પુત્રી અને બે પુત્ર છે. તેમને વા, ડાયાબીટીસ સહિતની બિમારીઓ હતી અને હાથની આંગળીમાં ઇજા થયા બાદ ગેંગરીન પણ થઇ ગયું હોઇ બિમારીઓથી કંટાળીને આ પગલુ ભરી લીધાનું સગાએ જણાવ્‍યું હતું. હોસ્‍પિટલ ચોકીના રામશીભાઇ, ચંદ્રસિંહ, ધર્મેન્‍દ્રભાઇ, તોૈફિકભાઇ, ભગીરથસિંહે મુળી પોલીસને જાણ કરી હતી.