રાજકોટ,તા.૧૮ : ઉપલેટામાં દંપતિને વ્‍યાજખોરે ઘર કબ્‍જે લઇ લેવાની અને પતાવી દેવાની ધમકી આપતા પોલીસમાં ફરીયાદ થઇ છે. મળતી વિગતો મુજબ ઉપલેટા ચોક ફળીયા ખાટકીવાડમાં રહેતા શેરબાનુ બેન આદમભાઇ ઉનડએ સાહિલ હબીબભાઇ સમા રે. હાડફોડી તા. ઉપલેટા સામે ઉપલેટા પોલીસ મથકમાં ફરીયાદ નોંધાવી છે. ફરીયાદમાં જણાવ્‍યા મુજબ ફરીયાદી તથા તેના  પતિને ઘરે આવી ૨.૫૦ લાખ નહિ ચૂક્‍વે તો ફરિયાદીનું ઘર કબ્‍જે લઇ લેવાની તથા જાનથી મારી નાખવાની ધમકીઓ આપી પઠાણી ઉઘરાણી કરે છે. આ ફરીયાદ અન્‍વયે ઉપલેટા પોલીસે વ્‍યાજખોર સાહિલ સામે ગુન્‍હો દાખલ કરી તપાસ હાથ ધરી છે.