બામણબોરના બાબુલાલ ડાભી પર હીચકારો હુમલો કરનારા પ્રતિક દિલીપભાઇ ચંદારાણા (રહે. ભગીરથ સોસાયટી-૭, સંત કબીર રોડ) પાસે પ્રેસનું કાર્ડ પણ છે! આ શખ્‍સ વિરૂધ્‍ધ રાજકોટ શહેરના અલગ અલગ પોલીસ સ્‍ટેશનોમાં એક ડઝન ગુના નોંધાઇ ચુક્‍યા છે. બી-ડિવીઝનમાં દારૂ, આજીડેમમાં ૩૦૭, ડીસીબી, બી-ડિવીઝનમાં દારૂના અલગ અલગ ગુનાઓ, બી-ડિવીઝનમાં ફરજમાં રૂકાવટ, હુમલાનો ગુનો, કુવાડવામાં દારૂનો ગુનો મળી કુલ ૧૨ ગુના અગાઉ નોંધાઇ ચુક્‍યા છે. છેલ્લે એલસીબી ઝોન-૧ ટીમના બી. વી. બોરીસાગર, વિજેન્‍દ્રસિંહ જાડેજા, જીતુભા,ઇ સત્‍યજીતસિંહ, રવિરાજભાઇ, દિવ્‍યરાજસિંહ સહિતની ટીમે તેને આજીડેમના હત્‍યાની કોશિષના અને બી-ડિવીઝનના દારૂના ગુનામાં પકડયો હતો. આટલા ગુનાઓમાં સામેલ પ્રતિક સામે વધુ એક મારામારીનો ગુનો આજીડેમ પોલીસમાં ગત રાતે દાખલ થયો છે.