ભુજના બિહારીલાલ મંદિરના મહંત પૂ. રામદાસજીબાપુ (પૂ.મૌનીબાપુ) બ્રહ્મલીન થતાં તેમના બહોળા સેવક સમુદાયમાં શોકનું મોજું ફરી વળ્યું છે. તેમના પરમ શિષ્ય અને ભુજના પૂર્વ નગરપતિ ઘનશ્યામ રસિકભાઈ ઠક્કરના જણાવ્યા પ્રમાણે તેમણે અહીં અંદાજે ૬૦ વર્ષ સુધી પ્રભુ સેવા, ભક્તિ, ગૌસેવા ની જ્યોત પ્રજ્વલ્લિત કરી હતી. જેમાં ૧૫ વર્ષ સુધી મૌન સાધના કરી હતી. ૮૫ વર્ષીય પૂ. મૌનીબાપુની પાલખીયાત્રા આવતીકાલ શુક્રવારે તા. ૧૯.૭ ના સવારે ૭ વાગ્યે બિહારીલાલ મહાદેવ મંદિરેથી ખારી નદી સ્વર્ગ પ્રયાણ ધામ જશે. (રિપોર્ટ: વિનોદ ગાલા, અકિલા, ભુજ)