(જયેશ ભટ્ટાસણા દ્વારા) ટંકારા તા. ૨૯ : સૌરાષ્ટ્રના મોટાભાગના વિસ્તારોના વાદળછાયા વાતાવરણ વચ્ચે મેઘરાજા ઝરમર વરસ્યા હતા. ત્યારે ટંકારા તાલુકામાં વરસાદી માહોલ સટાસટી માફક જોવા મળ્યો હતો. ૨૮ જૂને બપોરે ૪ વાગ્યાના સુમારે ટંકારામાં મેઘાવી માહોલ સર્જાયો હતો અને જોત જોતામાં ૧૬ મિમી વરસાદ સરકારી ચોપડે નોંધાયો છે. જેને કારણે ઠેર ઠેર પાણી વહેતા થઈ ગયા હતા. આ ઉપરાંત લજાઈ વિરપરમાં જોરદાર વરસાદ પડ્યો હતો.

ટંકારા તાલુકાના જીવાપર ગામે વરસાદની કાગડોળે જોવાતી વાટ જીવાપર ગામના ખેડૂતો એ જણાવ્યું હતું કે ટંકારા વરસાદ વરસે છે ત્યારે સેઢાના ગામે એક ટિપુ દોહિલુ હોય એમ હજુ વાવેતર થયું નથી અને મેધરાજા ને મનામણા કરી જો મન મૂકીને વરસી પડે તો ખેતી કામમાં લાગી એ માટે સારા એવા વરસાદની રાહ જોઈ રહ્યા છે.