રાજકોટ તા. ૧૧: ગોંડલના કેશવાળા ગામે રહેતાં મગનભાઇ અમરાભાઇ મકવાણા (ઉ.વ.૪૦) નામના યુવાનનું રાજકોટની ખાનગી હોસ્‍પિટલમાં મગજનું ઓપરેશન કરાવાયું હોઇ આજે સવારે તબીયત બગડતાં સારવાર માટે રાજકોટ લાવતી વખતે રસ્‍તામાં બેભાન થઇ જતાં સિવિલ હોસ્‍પિટલમાં ખસેડાયા હતાં. પરંતુ અહિ દમ તોડી દેતાં પરિવારમાં શોક છવાઇ ગયો હતો.

હોસ્‍પિટલ ચોકીના રામશીભાઇ વરૂ સહિતે ગોંડલ તાલુકા પોલીસને જાણ કરી હતી. મગનભાઇ હીરા ઘસવાનું કામ કરતાં હતાં. સંતાનમાં એક પુત્રી છે. પોતે બે ભાઇ અને એક બહેનમાં બીજા નંબરે હતાં.