(મુકુંદ બદિયાણી દ્વારા)જામનગર, તા.૨૯ :જામનગર શહેરના સુભાષ બ્રિજ નજીક ઓવરબ્રિજ પાસે મોડી રાત્રે ગમખ્વાર અકસ્માત સર્જાયો હતો. પ્રાપ્ત વિગતો મુજબ એક રીક્ષા અને એક એક્ટિવા વચ્ચે જોરદાર અથડામણ થતા આ અકસ્માત સર્જાયો હતો.

આ અકસ્માતમાં ત્રણ લોકો ઈજાગ્રસ્ત થયા હતા. જેમાં એક વ્યક્તિની હાલત નાજુક હોવાનું જાણવા મળી રહ્યું છે. ઘટનાની જાણ થતાં જ સ્થાનિક લોકો અને પોલીસ ઘટનાસ્થળે દોડી આવી હતી.

ઇજાગ્રસ્તોને તાત્કાલિક સારવાર માટે 108 એમ્બ્યુલન્સ મારફતે નજીકની હોસ્પિટલમાં ખસેડવામાં આવ્યા હતા. પોલીસ દ્વારા અકસ્માત અંગે વધુ તપાસ હાથ ધરવામાં આવી છે.(તસવીર: કિંજલ કારસરીયા, જામનગર)