તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
કાલાવડ રોડ પર બે સ્કૂલ બસ અથડાતાં એકના ચાલક અને આયા બહેનને ઇજા
મધુભાઇ મોભ અને આરતીબેન મારૂ સારવાર હેઠળ
રાજકોટઃ શહેરના કાલાવડ રોડ પર સંધ્યાટાણુ રેસ્ટોરન્ટ નજીક સાંજે જીનીયસ સ્કૂલની બસ અને અન્ય એક સ્કૂલની બસ વચ્ચે અકસ્માત સર્જાતા જીનીયસ સ્કૂલની બસના ડ્રાઇવર કણકોટ પાસે રહેતાં મધુભાઇ સેલારભાઇમોભ (ઉ.વ.૬૦) અને આ બસમાં આયા તરીકે કામ કરતાં આરતીબેન ગીરધરભાઇ મારૂ (ઉ.વ.૫૯)ને ઇજાઓ થતાં સારવાર માટે સિવિલ હોસ્પિટલમાં ખસેડાતાં હોસ્પિટલ ચોકીના સ્ટાફે તાલુકા પોલીસને જાણ કરી હતી. મધુભાઇએ જણાવ્યું હતું કે શાળા છુટતાં છાત્રોને મેટોડા તરફ મુકીને પરત આવી રહ્યા હતાં. આ વખતે બસમાં પોતાની સાથે આયા બહેન અને અન્ય એક છાત્રા હતાં. પોતે રાજકોટ તરફ આવી રહ્યા હતાં ત્યારે અચાનક સાઇડના રોડમાંથી અન્ય સ્કૂલ બસ આવી ગઇ હતી અને અકસ્માત સર્જાયો હતો. જેમાં પોતાને અને આયા બહેન આરતીબેનને ઇજા થઇ હતી. તસ્વીરમાં અકસ્માત ગ્રસ્ત બંને સ્કૂલ બસ, બનાવ સ્થળે લોકોના ટોળા અને ઇજાગ્રસ્ત મધુભાઇ અને આરતીબેન નજરે પડે છે. (તસ્વીરઃ અભિજીત બગથરીયા)
(3:32 PM IST)
