તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
આ વર્ષે મેઘરાજા મન મૂકીને વરસશેઃ મેઘનો નિવાસ માળીના ઘરે હોવાથી ૧૨ થી ૧૬ આની વરસાદના સંકેત
૨૧ જૂનથી આદ્રા નક્ષત્ર બેસતાં ગુજરાતમાં વિધિવત ચોમાસાનો પ્રારંભ થશેઃ શ્રાવણ અને ભાદરવામાં અનરાધાર મેધમહેરની આગાહી
વિક્રમ સંવત ૨૦૮૨ ઈ.સ.૨૦૨૬ ના ચોમાસાનો નક્ષત્ર પ્રમાણે વરસાદની વિગત આ વર્ષે મેઘ નિવાસ માળીના ઘરે સારૂ ગણાય.
સામાન્ય રીતે ભારતમાં મોટા ભાગે જુન મહીનાના પહેલા અઠવાડીયાથી કેરલમાં ચોમાસુ બેસે છે અને ત્યાર પછી આસરે ૧૫ દિવસ પછી ૨૧ જુન આસપાસ સુર્ય જયારે આદ્રા નક્ષત્રમાં આવે ત્યારે ગુજરાતમાં ચોમાસુ ગણાય છે. આમ વર્ષા ઋતુની ગુજરાતમાં વિધિવત શરૂઆત ૨૧ જુન આસપાસ થાય છે. આ વર્ષે પંચાગ પ્રમાણે મેઘ નિવાસ માળીના ઘરે છે અને રોહિણી નક્ષત્ર સમુદ્રમાં પડયુ હોવાથી વરસાદ સારો થાય આસરે ૧૨ આનીથી ૧૬ આની વચ્ચે વરસાદની સંભાવના ખરી એટલે કે ૮૦ ટકા થી ૧૦૦ ટકા વચ્ચે વરસાદ થઈ શકે છે.
નક્ષત્ર પ્રમાણે વરસાદની વિગત
(૧) સૂર્ય મૃગશીર્ષ નક્ષત્રમાં તા.૮-૬-૨૬થી ૨૨-૬-૨૦૨૬ સુધી વાહન દેડકો કેરલમાં વરસાદની શરૂઆત થાય પવન ફુંકાઈ બફારો વધે છુટો છવાયો વરસાદ થાય. (૨) સુર્ય આદ્રા નક્ષત્રમાં તા.૨૬-૬-થી ૬-૭ સુધી વાહન ગધેડો ગુજરાત સૌરાષ્ટ્રમાં વરસાદનીશરૂઆત થાય પવન ખુબ રહી છુટો છવાયો વરસાદ થાય. (૩) સુર્ય પુનર્વસુ નક્ષત્રમાં તા.૬-૭ થી ૨૦-૭ સુધી વાહન અશ્વનું પવન સાથે દરેક જગ્યાએ સારો વરસાદ થાય. (૪) સૂર્ય પુષ્ય નક્ષત્રમાં તા.૨૦-૭-૨૬ થી ૩-૮-૨૦૨૬ સુધી વાહન ઉદરનું મધ્યમ વરસાદ થાય. (૫) સૂર્ય આશ્લેષા નક્ષત્રમાં તા.૩-૮-૨૦૨૬થી ૧૭-૮ વાહનહાથી બફારો ખુબ વધે પવન સાથે મધ્યમ વરસાદ રહે. આશ્લેષા નક્ષત્રને જેરી નક્ષત્ર કહેવામાં આવે છે. આ સમય દરમિયાન કહેવત પ્રમાણે જે વરસાદ પડે છે તો કાકરી પણું સુકવા નદે અને નો પડે તો સાવ ન પડે. (૬) સૂર્ય મઘા નક્ષત્રમાં તા.૧૭-૮ થી ૩૦-૮ સુધી વાહન મોર ખુબ સારા વરસાદના યોગ છે ધાન્ય પાક સારો પાકે. (૭) સુર્ય પુર્વા ફાલ્ગુની નક્ષત્રમાં તા.૩૦/૮ થી ૧૩-૯ સુધી વાહન ગધેડુ વરસાદનું જોર વધે પવન સાથે સારો વરસાદ રહે. (૮) સૂર્ય ઉતરા ફાલ્ગુની નક્ષત્રમાં તા.૧૩-૯ થી ૨૭-૯-૨૦૨૬ સુધી વાહન દેડકો પવન સાથે સારો વરસાદ રહે. (૯) સૂર્યહસ્ત નક્ષત્રમાં તા.૨૭-૯-૨૦૨૬ થી ૧૦-૧૦-૨૦૨૬ વાહન ઉદર ગાજાવિજ સાથે અમુક જગ્યાએ સારો વરસાદ થાય. (૧૦) સૂર્ય ચિત્રા નક્ષત્રમાં તા.૧૦-૧૦-૨૦૨૬થી ૨૪-૧૦-૨૦૨૬ વાહન હાથી ગરમી બફારો રહે ક્યાંક વરસાદ થોડો થાય. (૧૧) સૂર્ય સ્વાતી નક્ષત્રમાં તા.૨૪-૧૦-૨૦૨૬ થી ૬-૧૧-૨૦૨૬ વાહન દેડકો થોડો વરસાદ પાકને નુકશાન કરતો જાય.
એકન્દરે આ વર્ષે ૮૦ ટકાથી ૧૦૦ ટકા જેટલો વરસાદ રહે ખાસ કરીને શ્રાવણ મહીનામાં તથા ભાદરવા શુદમાં ગણપતી ઉત્સવ સમયે સારો વરસાદની આશા રાખી શકાય.વર્ષ એકન્દરે મધ્યમ પણ સારૂ ગણાય. શાષાી રાજદીપ જોશી, ()વેદાંત રત્ન મો. ૯૯૨૫૬ ૧૧૯૭૭
(11:11 AM IST)
