રાજકોટઃ શહેર ક્રાઇમ બ્રાંચ દ્વારા ઓક્‍ટોબર મહિનામાં ગૂમ થયેલા ૫૦ લોકોના મોબાઇલ ફોન તેમજ ગાંધીગ્રામ પોલીસ સ્‍ટેશન હદમાંથી ચોરી થયેલો ૧ મોબાઇલ ફોન મળી કુલ રૂા. ૧૦,૯૨,૪૯૭ની કિંમતના ૫૧ મોબાઇલ ફોન શોધી કાઢી ‘તેરા તુજકો અર્પણ' ઝુંબેશ અંતર્ગત અરજદારોને તેમના ફોન પરત આપવામાં આવ્‍યા હતાં. સીઇઆઇઆર પોટૃલમાં સતત મોનીટરીંગ કરી ક્રાઇમ બ્રાંચની ટીમે મોબાઇલ ફોનને ટ્રેસીંગમાં મુકી શોધી કાઢયા હતાં અને જે તે અરજદારને પરત સોંપ્‍યા હતાં. પોલીસ કમિશનર બ્રજેશકુમાર ઝા, જેસીપી ચૈતન્‍ય મંડલિક, ડીસીપી ક્રાઇમ જગદીશ બાંગરવા, એસીપી ક્રાઇમ ભરત બી. બસીયાની સુચના અને માર્ગદર્શન હેઠળ પીઆઇ એ. એસ. ચાવડા, એમ. એલ. ડામોર, સી. એચ. જાદવની  રાહબરીમાં એએસઆઇ ભુપતભાઇ કે. દેસાઇ તથા કોન્‍સ. નગ્‍માબેન એમ. સુમરાએ આ કામગીરી કરી હતી. ડીસીબી પીઆઇના હસ્‍તે લોકોને આ ફોન પરત અપાયા હતાં. (૧૪.૧૦)