તા. ૨૮ ફેબ્રુઆરી ર૦ર૬ વિક્રમ સંવત ર૦૮૨ ફાગણ સુદ – ૧૨ શનિવાર
નારી સશકિતકરણનો સંકલ્પઃ દુર્ગાવાહિની દ્વારા ત્રિશુલ દિક્ષા અને શકિત સંચલન
રાજકોટઃતા.ર૯, વિશ્વ હિન્દુ પરિષદ - દુર્ગાવાહિની તથા માતળશક્તિ, રાજકોટ વિભાગ દ્વારા યુવતીઓ અને મહિલાઓમાં શૌર્ય, આત્મવિશ્વાસ, સ્વરક્ષણ તથા સંગઠનભાવનાનો વિકાસ થાય અને ભારતીય સંસ્કળતિ તથા સંસ્કારો પ્રત્યે જાગળતિ વધે તેવા ઉમદા હેતુથી રવિવારે ભવ્ય ત્રિશૂલ દીક્ષા અને શક્તિ સંચલન કાર્યક્રમનું આયોજન કરવામાં આવ્યું હતું. સરસ્વતી શિશુ મંદિર, એરપોર્ટ ફાટક પાસે યોજાયેલા આ કાર્યક્રમનો મુખ્ય ઉદ્દેશ્ય નારીશક્તિને સંગઠિત કરી યુવતીઓમાં આત્મબળ, શિસ્ત, સાહસ અને સામાજિક જવાબદારીની ભાવના મજબૂત કરવાનો હતો.
ભારતીય ધાર્મિક અને સાંસ્કળતિક પરંપરામાં ત્રિશૂલ શક્તિ, સાહસ અને દૃઢ સંકલ્પનું પ્રતીક માનવામાં આવે છે. ત્રિશૂલ દીક્ષાનો સંદેશ યુવતીઓમાં આંતરિક શક્તિ, નિર્ભયતા, આત્મવિશ્વાસ અને સંસ્કારો પ્રત્યેની નિષ્ઠા વિકસાવવાનો છે. જીવનમાં આવતાં પડકારોનો હિંમતપૂર્વક સામનો કરવો, યોગ્ય નિર્ણય લેવાની ક્ષમતા કેળવવી અને સમાજ પ્રત્યેની પોતાની જવાબદારી સમજવી એ સશક્ત નારીના ઘડતર માટે મહત્ત્વપૂર્ણ છે.
દુર્ગાવાહિની દ્વારા આયોજિત આ કાર્યક્રમમાં શક્તિની ઉપાસનાની સાથે નારીશક્તિના સંગઠન, આત્મબળ અને સામાજિક જાગળતિના વિચારને પ્રાધાન્ય આપવામાં આવ્યું હતું. કાર્યક્રમનો સંકલ્પ યુવતીઓમાં શિસ્ત, સમર્પણ, સ્વાભિમાન અને સકારાત્મક અભિગમને પ્રોત્સાહન આપવાનો તથા તેમને સમાજહિતનાં કાર્યોમાં સક્રિય ભાગીદાર બનવા પ્રેરિત કરવાનો રહ્યો હતો. આ કાર્યક્રમમાં ૫૦ થી વધુ બહેનોને ત્રિશૂલ દીક્ષા આપવામાં આવેલ.
શક્તિ સંચલન એ શિસ્ત, એકતા, સંગઠન અને સામૂહિક સંકલ્પની ભાવનાનું પ્રતીક છે. સમાજની બહેનો એક હેતુ સાથે સંગઠિત થઈને આગળ વધે ત્યારે સામાજિક જાગળતિ અને સકારાત્મક પરિવર્તન માટેની તેમની ભૂમિકા વધુ મજબૂત બને છે. આ કાર્યક્રમ દ્વારા યુવતીઓમાં પરસ્પર સહયોગ, સામાજિક સમરસતા અને ભારતીય સંસ્કળતિ પ્રત્યે ગૌરવની ભાવના કેળવવાનો સંદેશ આપવામાં આવ્યો હતો. સંચલનમાં ૧૦૦ જેટલા બહેનો તથા વિશ્વ હિન્દુ પરિષદના કાર્યકર્તા જોડાયા હતા.
કાર્યક્રમમાં મુખ્ય વક્તા તરીકે શ્રીમતી પૂર્વીબેન શુક્લા, માતળશક્તિ પ્રાંત સહસંયોજિકા, તથા વંદેવી શ્રી જાનકી માં નાગા સંન્યાસીની ઉપસ્થિતિ નિર્ધારિત કરવામાં આવી હતી. ઉપરાંત વૈશાલીબેન નિર્મળ, સૌરાષ્ટ્ર પ્રાંત દુર્ગાવાહિની સહસંયોજિકાઃ મનિષાબેન યુ. પંડ્યા, રાજકોટ વિભાગ માતળશક્તિ સંયોજિકા; તથા સોનલબેન ચારણીયા, સહસંયોજિકા સહિતના હોદ્દેદારોની ઉપસ્થિતિનું આયોજન કરવામાં આવ્યું હતું.
વિશ્વ હિન્દુ પરિષદ રાજકોટના આગેવાનો વનરાજભાઈ ગેરૈયા, માવજીભાઈ ડોડીયા, હસુભાઈ ભગદેવ, ભુપતભાઈ ગોવાણી, હસુભાઈ ચંદારાણા, શાંતુભાઈ રૂપારેલિયા, પરેશભાઈ રૂપારેલિયા, કળણાલભાઈ વ્યાસ, કૌશિકભાઈ સરધારા, મનોજભાઈ ડોડીયા, અશ્વિનભાઈ ગોસાઈ અને દીપકભાઈ ગમઢા સહિતના આગેવાનો દ્વારા અને માર્ગદર્શન અપાયુ હતું.
આ કાર્યક્રમ દ્વારા નારીશક્તિના જાગરણ, શૌર્ય, આત્મસન્માન અને સંગઠિત પ્રયાસોના મહત્ત્વને ઉજાગર કરવાનો સંદેશ આપવામાં આવ્યો હતો. સમાજની બહેનો અને યુવતીઓમાં સકારાત્મક જાગળતિ કેળવાય તથા ભારતીય સંસ્કળતિ અને સંસ્કારોનું જતન થાય તેવો સંકલ્પ વ્યક્ત કરવામાં આવ્યો હતો.
વિશ્વ હિન્દુ પરિષદ - દુર્ગાવાહિની, રાજકોટ વિભાગ દ્વારા કાર્યક્રમ સાથે જોડાયેલા તમામ મહાનુભાવો, કાર્યકર્તાઓ, બહેનો અને સહયોગીઓનો આભાર વ્યક્ત કરેલ છે.
(2:06 PM IST)
