રાજકોટ તા. ૨૨: કોઠારીયા રોડ નાયરાના પંપ પાસે અક્ષય વ ાટીકાં રહેતી જ્‍યોતિબેન આશિષભાઇ રેણુકા (ઉ.વ.૨૪)ને રાતે પાડોશી રાજુભાઇ, અલ્‍પેશભાઇ સહિતે ધોકાથી માર મારતાં સારવાર માટે સિવિલ હોસ્‍પિટલમાં દાખલ થતાં હોસ્‍પિટલ ચોકીના સ્‍ટાફે આજીડેમ પોલીસને જાણ કરી હતી.

જ્‍યોતિબેનના કહેવા મુજબ તેના પતિ કંપનીમાં નોકરી કરે છે અને જીઆરડીમાં પણ ફરજ બજાવે છે. પોતે બાજુમાં રહેતાં પાડોશીને ત્‍યાંથી પાણી ભરતાં હોઇ ગઇકાલે પોતાની પાણીની નળી નળમાં જ ભરાવેલી હાલતમાં ભુલાઇ ગઇ હોઇ આ બાબતે પાડોશી મહિલાએ બોલાચાલી કરી હતી. બાદમાં આ વાતે રાજુભાઇ સહિતે પોતાના પરિવારના મહિલાઓનું ઉપરાણું લઇ ઝઘડો કરી ધોકાથી માર માર્યો હતો. પોલીસે વધુ તપાસ હાથ ધરી છે