રાજકોટઃ દેશના લોખંડી પુરૂષ સરદાર વલ્લભભાઇ પટેલની ૧પ૧મી જન્‍મ જયંતિ નિમીતે રાજકોટ શહેર પોલીસ દ્વારા પોલીસ હેડ કવાર્ટર પરેડ ગ્રાઉન્‍ડ ખાતેથી ‘રન ફોર યુનીટી' યોજાઇ હતી. આ સમયે મંત્રી જીતુભાઇ વાઘાણી, સાંસદ રામભાઇ મોકરીયા, ધારાસભ્‍ય ભાનુબેન બાબરીયા, દર્શીતાબેન શાહ, ઉદયભાઇ કાનગડ, મેયર નેહલભાઇ શુકલ, પોલીસ કમિશનર બ્રજેશ કુમાર ઝા, જેસીપી ચૈતન્‍ય મંડલીક, ડીસીપી ક્રાઇમ જગદીશ બાંગરવા, ઝોન-૧ અને ર ડીસીપી  હેતલ પટેલ, રાકેશ દેસાઇ, ટ્રાફિક ડીસીપી ડો. હરપાલસિંહ જાડેજા સહિતના પોલીસ અધિકારીઓ અને કર્મચારીઓ, વહીવટી તંત્રના અધિકારીઓ ઉપસ્‍થીત રહયા હતા. આ તકે સૌએ રાષ્‍ટ્રની એકતા, અખંડિતતા અને સુરક્ષાના શપથ લઇ એકતાની દોડમાં ભાગ લીધો હતો.