રાજકોટ તા. ૧૧: શહેરના ડીસીબી પોલીસ સ્‍ટેશનમાં નોંધાયેલા જુગારધારાના બે ગુનામાં નાસતા ફરતાં શખ્‍સ ઇમરાન ઉર્ફે ગઢવી જાહીદભાઇ સમા (ઉ.વ.૩૫-રહે. ગરીબ નવાઝ મંજીલ, રામનાથપરા હુશેની ચોક, જમાતખાના સામે)ને પેરોલ ફરલો સ્‍ક્‍વોડની ટીમે  પકડી લઇ ડીસીબી પોલીસને સોંપ્‍યો છે.

ઇમરાન ઉર્ફે ગઢવી સામે જુગારધારાના બે ગુના નોંધાયા હોઇ તે ફરાર હતો. તેને પીઆઇ કે. કે. ગોહિલ, પીએસઆઇ એસ. બી. ધાસુરા, એએસઆઇ ઝહીરખાન ખફીફ, ધર્મેન્‍દ્રસિંહ ઝાલા, હેડકોન્‍સ. રાજદિપસિંહ ચોૈહાણ, સિરાજભાઇ ચાનીયા, રોહિતભાઇ કછોટ, અંકિતભાઇ નિમાવત, કોન્‍સ. અમીનભાઇ ભલુર, કુલદીપસિંહ જાડેજા, શાંતુબેન મુળીયા અને કોન્‍સ. દોલતસિંહ રાઠોડે પકડી લીધો હતો.