તંત્રી શ્રી,

રાજકોટ મ્‍યુ.કોર્પોરેશન દ્વારા સંચાલીત શ્રોફરોડ લાઇબ્રેરીના (દતોપંત ઠેંગડી પુસ્‍તકાલય) જનરલ વાંચનાલય વિભાગમાં અમુક પંખા બંધ થઇ ગયા છે. વાચકોએ ત્‍યાના સ્‍ટાફને આ અંગે એકથી વધુ વખત ફરીયાદ કરી પણ છે છતા સમસ્‍યાનું નિરાકરણ હજુ સુધી થયુ નથી તે કમનસીબ બાબત કહી શકાય. ખરેખર તો ત્‍યાં કોન્‍ટ્રાકટ બેઇઝ કર્મચારી મહિલાઓ આ ફરીયાદ આગળ મોકલ્‍યાનું કહે છે. કદાચ સાચુ પણ હોય. તો પછી સવાલ એ છે કે ઉપરના અધિકારીઓએ વાચકોને ભરઉનાળે પરસેવે નિતરવાનો મસ્‍ત નિર્ણય કર્યો છે?

પંખો રિપેર કરતા બહુ તો મિનીટો થાય અથવા સાવ બગડી જાય તો રિપ્‍લેસ તો થઇ જ શકે. પણ કરવુ હોય તો જ!!! આવી અવ્‍યવસ્‍થા માટે જે કોઇ જવાબદાર હોય તેણે એક વખત બંધ પંખાની સામે બેસી વર્તમાનપત્રોનો આનંદ? માણવાની જરૂર છે.

છેલ્લે એટલુ જ કે આ સમસ્‍યાનો ઉકેલ લાવો. ‘‘અક્કલમંદ કો ઇશારા કાફી''.