તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
રાજકોટ સહિત જિલ્લાભરની કોર્ટોમાં દિવાળી વેકેશન જાહેરઃ અર્જન્ટ કેસો માટે ન્યાયાધીશોને ચાર્જની સોંપણી
રાજકોટ, તા.૫: રાજકોટ સહિત સમગ્ર ગુજરાતભર અને તાલુકા લેવલ કક્ષાએ કોર્ટોમાં દિવાળી વેકેશનની રજાઓ જાહેર કરવામાં આવી છે.
મળતી માહિતી મુજબ શનિવાર તારીખ ૭ ના રોજ રાબેતા મુજબ કોર્ટ ચાલુ રહેશે અને રવિવાર તારીખ ૮ થી આગામી ૧૫ તારીખ સુધી કોર્ટોમાં દિવાળી વેકેશન નિમિત્તે રજા રાખવામાં આવશે.
જાણવા મળ્યા મુજબ રાજકોટ શહેર તાલુકા અને જિલ્લા કક્ષાની અદાલતોમાં ઈમરજન્સી કેસો માટે ન્યાયાધીશોને ચાર્જની સોંપણી કરવામાં આવી છે અદાલતમાં દિવાળી વેકેશન દરમિયાન રાજકોટ શહેર અને તાલુકાની કોર્ટોમાં ઇમરજન્સી કેસો માટે દરેક જગ્યાએ ન્યાયાધીશ અને ચાજૅની સોંપણી કરવામાં આવી છે.
રાજકોટ ડિસ્ટ્રિક્ટ કોર્ટ દ્વારા રાજકોટ બાર એસોસિએશન અને જે તે વકીલ મંડળોને આ અંગેની જાણ કરવામાં આવી છે ખાસ કરીને કોઈ અર્જન્ટ મેટરની કાર્યવાહી કરવાની જરૂર પડે તો આ માટેની વ્યવસ્થા અદાલત દ્વારા દરેક જગ્યાએ કરવામાં આવી છે ખાસ કરીને ફોજદારી કેસોમા જામીન અરજી તેમજ સિવિલ કેસોમાં અર્જન્ટ મનાઇ હુકમ જેવા કેસોમાં ઇમરજન્સી જણાય તો દિવાળી વેકેશન દરમિયાન ન્યાયાધીશો પાસે વકીલો ઈમરજન્સીમાં આ પ્રકારના કેસો ચલાવી શકશે તેવી વ્યવસ્થા કરવામાં આવી છે.
(2:33 PM IST)
