રાજકોટ, તા. ૧૮ : શહેરમાં આજે વહેલી સવારથી જ વરસાદી માહોલ જોવા મળ્‍યો હતો. કાળા ડિબાંગ વાદળો વચ્‍ચે ઝરમર વરસાદ અને હળવા ઝાપટાનો દોર શરૂ થતાં વાતાવરણમાં ઠંડક પ્રસરી ગઈ હતી.

સવાર બાદ વરસાદનું જોર ઘટયું હતું, પરંતુ બપોર સુધી આકાશ વાદળછાયું રહ્યું હતું.

વરસાદી માહોલના કારણે દિવસ દરમિયાન પણ સૂર્યનારાયણના દર્શન દુર્લભ રહ્યા હતા.  શહેરના વિવિધ વિસ્‍તારોમાં ભેજવાળું અને ઠંડકભર્યું વાતાવરણ અનુભવાયું હતું.

બપોર પછી પણ વાદળો છવાયેલા રહેતા ફરી હળવા વરસાદી ઝાપટા પડે તેવી શકયતાને પગલે લોકોમાં પણ વરસાદને લઈને ઉત્‍સુકતા જોવા મળી હતી.