રાજકોટઃ ગઇકાલે જયાપાર્વતિ વ્રતના જાગરણમાં વ્રત રાખનાર બહેનો રેસકોર્ષ સહિતના સ્‍થળોએ જાગરણ કરવા નીકળે તો સુરક્ષા વ્‍યવસ્‍થા જળવાઇ રહે તે માટે અગાઉથી પોલીસ તંત્ર દ્વારા ચાંપતો બંદોબસ્‍ત ગોઠવવાનું આયોજન કરાયું હતું. જો કે વરસાદ ચાલુ થઇ જતાં વ્રત રાખનારી બહેનોને ઘરમાં જ રહેવા મજબુર થવું પડયું હતું. વરસાદને કારણે પોલીસને બંદોબસ્‍તમાં ઉજાગરા કરવાથી રાહત મળી હતી. જો કે ઠેકઠેકાણે વાહનચેકીંગ સહિતની કામગીરી કરવામં આવી હતી. જેમાં કાળા કાચાવાળી કાર લઇને નીકળનારાઓને અટકાવી કાળી ફિલ્‍મો દુર કરાઇ હતી. (તસ્‍વીરઃ અભિજીત બગથરીયા)