તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
તિરંગો દેશભકતોનું બલિદાન-સૈનિકોની શોૈર્યગાથા-સંતોનું તપ-ખેડૂતોનો પરિશ્રમ-વૈજ્ઞાનિકોનીપ્રતિભા-અને ભારતીયોની આશાનું પ્રતિક
રાજકોટમાં રાષ્ટ્રધ્વજ લહેરાયોઃ એડી. કલેકટરના હસ્તે ધ્વજવંદન : ૪૦ કર્મચારીઓનું સન્માન..
રાજકોટ, તા. ૧૭ : રાજકોટમાં આવેલી ચૌધરી હાઈસ્કૂલના પટાંગણમાં ૮૦મા સ્વાતંત્રતા પર્વની શહેરકક્ષાની ઉજવણી ઉત્સાહપૂર્ણ માહોલમાં કરવામાં આવી હતી. આ ગૌરવવંતા પ્રસંગે રાજકોટ જિલ્લા નિવાસી અધિક કલેક્ટર શ્રી જયભાઈ બારોટના હસ્તે આન-બાન-શાનથી રાષ્ટ્રધ્વજ લહેરાવવામાં આવ્યો હતો. આ તકે જનતાએ રાષ્ટ્રગીત તેમજ રાષ્ટ્રગાનના સથવારે તિરંગાને સલામી આપી રાષ્ટ્ર પ્રત્યે આદર વ્યક્ત કર્યો હતો.
રાજકોટ જિલ્લા વહીવટી તંત્ર દ્વારા આયોજિત આ કાર્યક્રમમાં ધ્વજારોહણ બાદ નિવાસી અધિક કલેક્ટર શ્રી જયભાઈ બારોટે પરેડ કમાન્ડર પી.એસ.આઈ. શ્રી એમ. ડી. દેવમુરારી સાથે મળીને ગુજરાત પોલીસ, હોમગાર્ડ્ઝ તેમજ એન.સી.સી. ગર્લ્સ કેડેટ્સ દ્વારા પ્રસ્તુત કરવામાં આવેલી શિસ્તબદ્ધ અને આકર્ષક પરેડનું નિરીક્ષણ કર્યું હતું.
આ પ્રસંગે નિવાસી અધિક કલેક્ટર શ્રી જયભાઈ બારોટે સ્વાતંત્ર્ય દિવસની શુભેચ્છા પાઠવતા જણાવ્યું હતું કે, અઢીસો વર્ષની અંગ્રેજોની ગુલામીમાંથી મહાત્મા ગાંધીજી, સરદાર પટેલ, ભગતસિંહજી અને ચંદ્રશેખર આઝાદ જેવા મહાન નેતાઓના નેતળત્વ હેઠળ હજારો ભારતીયોના બલિદાન અને ત્યાગના પરિણામે આપણને મહામૂલી સ્વતંત્રતા પ્રાપ્ત થઈ છે. આજે આકાશમાં લહેરાતો આપણો તિરંગો માત્ર ત્રણ રંગ નથી, પરંતુ તે આપણા દેશભક્તોનું બલિદાન, સૈનિકોની શૌર્યગાથા, સંતોનું તપ, ખેડૂતોનો પરિશ્રમ, વૈજ્ઞાનિકોની પ્રતિભા અને ૧૪૦ કરોડ ભારતીયોની આશાનું પ્રતીક છે. આઝાદી સમયે દેશ સામે અનેક પડકારો હતા પરંતુ શ્નવિવિધતામાં એકતાઙ્ખના બળે આજે ભારત વિશ્વગુરુ બનવા તરફ જઈ રહ્યું છે.
રાજકોટનો મહિમા ગાન કરતા તેમણે જણાવ્યું હતું કે, રાષ્ટ્રપિતા ગાંધીજીએ પોતાનું પ્રારંભિક ઘડતર અને સંસ્કાર રાજકોટની ભૂમિ પરથી મેળવ્યા હતા અને આજે સમગ્ર વિશ્વ ગાંધીજીના સંસ્કારો ઝીલી રહ્યું છે. આવી ગૌરવવંતી ભૂમિ પરથી સ્વતંત્રતા પર્વની ઉજવણી કરવી એ આપણા સૌ માટે ગૌરવની બાબત છે.
વડાપ્રધાનશ્રીના ‘વિકસિત ભારત ૨૦૪૭'ના સંકલ્પને સાકાર કરવા માટે આહ્વાન કરતા તેમણે જણાવ્યું હતું કે, આપણે એવા ભારતનું નિર્માણ કરવાનું છે, જ્યાં દરેક બાળકને ગુણવત્તાયુક્ત શિક્ષણ મળે, યુવાનોને પોતાની પ્રતિભા દર્શાવવાની તક મળે, ખેડૂતો સમળદ્ધ બને અને મહિલાઓ દરેક ક્ષેત્રમાં સમાન તક સાથે નેતળત્વ કરે. આ તકે તેમણે વિદ્યાર્થીઓને દેશનું ભવિષ્ય ગણાવી ઈમાનદારી, નવીનતા અને જવાબદારીની ભાવના કેળવવા અનુરોધ કર્યો હતો.
અંતમાં, તેમણે દરેક નાગરિકને શિસ્તબદ્ધ બની ટ્રાફિકના નિયમોનું પાલન કરવા, સ્વચ્છતા જાળવવા, વડીલોનું સન્માન કરવા અને ભારતના બંધારણનું પાલન કરીને દેશના વિકાસમાં યોગદાન આપવા અપીલ કરી હતી. તેમજ તેમણે સંકલ્પ કરતા કહ્યું હતું કે, સત્યથી કયારેય ખસીશું નહીં, એકતામાં કયારેય તૂટીશું નહીં, દેશ સેવામાં કયારેય થાકીશું નહીં અને ભારતના વિકાસ માર્ગ પરથી કયારેય ભટકીશું નહીં.
આ અવસરે વિવિધ શાળાઓના ૧૦૦થી વધુ બાળ કલાકારોએ જયતુ જયતુ ભારતમ્, ઇતિહાસ કા આઇના, તલવારો પે સર વાર દીયે, સુજલામ્ સુફલામ્ જેવા દેશભક્તિના ગીતો પર નળત્ય પ્રસ્તુત કરતા સમગ્ર માહોલ રાષ્ટ્રપ્રેમસભર બન્યો હતો.
આ વેળાએ સાંસદ શ્રીપરસોત્તમભાઈ રૂપાલા, ધારાસભ્યશ્રી ડો. દર્શિતાબેન શાહ અને નિવાસી અધિક કલેક્ટર જયભાઈ બારોટે માતળભૂમિની આઝાદી માટે યોગદાન આપનારા ૧૦ સ્વાતંત્ર્ય સેનાનીઓના પરિવારજનોની પાસે જઈને તેમનું સુતરની આંટીથી બહુમાન કર્યું હતું. આ સાથે વિવિધ સરકારી કચેરીઓના ૪૨ અધિકારીઓ-કર્મચારીઓને તેમની શ્રેષ્ઠ કામગીરી બદલ સન્માન પત્ર આપીને બિરદાવવામાં આવ્યા હતા.
આ તકે મામલતદાર સવ નીતેશભાઈ પંડ્યા,રાજેન્દ્રસિંહ સરવૈયા અને નિલેશભાઈ અજમેરા સહિત નાયબ મામલતદારો, અધિકારીઓ, કર્મચારીઓ તેમજ દેશપ્રેમી નાગરિકો ઉપસ્થિત રહ્યાં હતાં.
(10:49 AM IST)
