રાજકોટ તા. ૪: પ્રાદેશિક વાહન વ્‍યવહારની કચેરી, રાજકોટ દ્વારા મોટર સાયકલ પ્રકારના વાહનો માટે GJ03QF સિરીઝનું ઓનલાઇન ઈ- ઓક્‍શન કરવામાં આવ્‍યું હતું. જેમાં કુલ ૨,૨૧૭ અરજદારોએ ભાગ લીધો હતો. જેમાંથી કુલ ૧,૭૯૦ અરજદારોએ જરૂરી શરતો મુજબ સફળતાપૂર્વક નંબર પ્રાપ્ત કર્યા હતાં. ગત તા. ૩૦ જુલાઈના રોજ ઈ-ઓક્‍શન પ્રક્રિયામાં સરકારશ્રીને કુલ રૂ. ૬૨,૬૬,૫૦૦ ની આવક થયેલી છે.

આર.ટી.ઓ. અધિકારીશ્રી ટાંકના જણાવ્‍યાં મુજબ ઈ-ઓક્‍શનમાં પ્રથમ ક્રમે ૭ નંબર માટે રૂ. ૨,૨૧,૦૦૦ જયારે  બીજા ક્રમે  ૯ નંબર માટે રૂ. ૧,૯૧,૦૦૦  તેમજ ૧ નંબર માટે રૂ. ૧,૧૧,૦૦૦  સર્વાધિક રકમની બોલી બોલાઈ હતી.