તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
પરમાત્મા જાણવા માટે નહીં પરંતુ અનુભવ કરવાનો વિષય છે, ભારત હિન્દુ રાષ્ટ્ર બનીને જ રહેશે : પરમ પૂજ્ય બાગેશ્વર બાબા
રાજકોટના રેસકોર્સ મેદાન ખાતે બાગેશ્વર ધામ સરકાર પરમ પૂજ્ય ધીરેન્દ્રકૃષ્ણ શાષાીજી મહારાજની હનુમંત કથાનો ભવ્યાતિભવ્ય પ્રારંભ : સૌરાષ્ટ્ર સનાતન સમિતિ આયોજિત ‘સનાતન સેતુ હનુમંત કથા'ના પ્રથમ દિવસે હજારોની સંખ્યામાં શ્રદ્ધાળુઓ ઉમટી પડ્યા : બેન્ડ અને બોલીવુડ સિગરના ભજનોથી વાતાવરણ ભક્તિમય બન્યું : અમારો વિરોધ કરનારા લવ જેહાદનો પણ વિરોધ કરે જ્જ મારો વિરોધ કરવા કરતા ચાદર ચડાવવા જતા હિન્દુઓનો વિરોધ કરવા માંગ
જય હનુમાન...
બાબા બાગેશ્વરના રંગે રંગાયું રાજકોટ
રાજકોટમાં ૩ વર્ષ અને ૩ દિવસ બાદ બાબા બાગેશ્વરધામ ધિરેન્દ્રશાસ્ત્રીનું આગમન થયું છે. જાણીતા ઉદ્યોગપતિ અને દાનવીર કિશોરભાઈ ખંભાયતા પરિવાર દ્વારા રેસકોર્ષ ગ્રાઉન્ડ ખાતે ત્રિદિવસીય હનુમંત કથાનું દિવ્ય આયોજન કરવામાં આવ્યું છે. ગઈકાલે પ્રથમ દિવસે બાબા બાગેશ્વરધામ ધિરેન્દ્રશાસ્ત્રીનું આગમન થતાં ભાવિકોએ જય હનુમાનના નારા લગાવ્યા હતા. બાબા બાગેશ્વરધામે પણ અભિવાદન જિલ્યું હતું. હનુમંત કથાના પ્રારંભે ધિરેન્દ્રશાસ્ત્રીએ હનુમાનજીની પૂજા-આર્ચના કરી હતી. કથા પહેલાં ભક્તિ સંગીતની જમાવટ ચૈતાલી છાયા દ્વારા કરવામાં આવી હતી. શહેરીજનો પણ હનુમંતભક્તિમાં લીન બન્યા હતા અને અલૌકિક વાતાવરણ સર્જાયું હતુ.(તસ્વીરઃ સંદીપ બગથરીયા)
રાજકોટ : અહીંના રેસકોર્સ મેદાન ખાતે સૌરાષ્ટ્ર સનાતન સમિતિ દ્વારા આયોજિત ‘સનાતન સેતુ હનુમંત કથા' ના પ્રથમ દિવસે ગઈકાલે સાંજે બાગેશ્વર ધામ સરકાર પૂજ્ય શ્રી ધીરેન્દ્રકૃષ્ણ શાષાીજી મહારાજના શ્રીમુખેથી કથાનું રસપાન કરવા હજારો ભક્તો ઉમટી પડ્યા હતા. ત્રણ વર્ષ બાદ રાજકોટ પધારેલા બાબાનું ભવ્ય સ્વાગત કરાયું હતું. કથાના પ્રારંભે સંગીતમય ભજનોની પ્રસ્તુતિ થઈ હતી અને સંતો-મહંતો દ્વારા પૂજ્ય બાબાનું સન્માન કરાયું હતું. વ્યાસપીઠ પરથી ધીરેન્દ્ર શાષીજીએ ભારતને હિન્દુ રાષ્ટ્ર બનાવવાનો દ્રઢ સંકલ્પ દોહરાવ્યો હતો અને ધર્માંતરણ રોકવા માટે અમીર હિન્દુઓને ગરીબ હિન્દુઓની મદદ કરવા આહવાન કર્યું હતું. પર્યાવરણ અને ટ્રાફિક વ્યવસ્થા જાળવવા અનેક શ્રદ્ધાળુઓએ જાહેર પરિવહનનો ઉપયોગ કર્યો હતો.
રેસકોર્સ મેદાન ખાતે સૌરાષ્ટ્ર સનાતન સમિતિ દ્વારા આયોજિત ‘સનાતન સેતુ હનુમંત કથા' ના પ્રથમ દિવસે પૂજ્ય શ્રી ધીરેન્દ્રકૃષ્ણ શાષાીજી મહારાજ (બાગેશ્વર ધામ સરકાર) ના શ્રીમુખેથી હનુમંત કથાનું પાવન રસપાન કરવા માટે હજારોની સંખ્યામાં શ્રદ્ધાળુ ભક્તો ઉમટી પડ્યા હતા, જેના કારણે સમગ્ર કથા સ્થળે અત્યંત ભક્તિમય અને આધ્યાત્મિક વાતાવરણ સર્જાયું હતું. ત્રણ વર્ષના લાંબા સમયગાળા બાદ ફરી એકવાર બાગેશ્વર બાબા ધીરેન્દ્ર શાષીજીનું રાજકોટની પવિત્ર ધરતી પર આગમન થયું હતું. તેમના આગમન સમયે ભક્તો દ્વારા ભાવભીનું સ્વાગત કરવામાં આવ્યું હતું, જેના પર તેઓએ અત્યંત પ્રસન્નતા વ્યક્ત કરી હતી.
કથાના મંગલ પ્રારંભમાં સી.સી. ધ રોકસ્ટાર બેન્ડ તથા જાણીતા બોલીવુડ પ્લેબેક સિગર અને લાઇવ પરફોર્મર ચૈતાલી છાયાએ ભજન અને સંગીતની સુંદર રજૂઆત કરી હતી. તેમણે 'રામ સિયારામ સિયારામ જય જય રામ' ની ધૂન ઉપર ઉપસ્થિત તમામ લોકોને ખૂબ ઝુમાવ્યા હતા, જેના કારણે હરિભક્તોમાં વિશેષ ઉત્સાહ અને આનંદનો માહોલ જોવા મળ્યો હતો.
ત્યારબાદ બાગેશ્વર બાબાએ હનુમાનજી દાદાની આરતી, પૂજા અને અર્ચન વિધિ સંપન્ન કરી હતી. આ અવસરે ઉપસ્થિત વિવિધ સંતો-મહંતો દ્વારા પૂજ્ય બાબાનું ભાવપૂર્વક સન્માન કરવામાં આવ્યું હતું.
કથાના પ્રથમ દિવસે વ્યાસપીઠ પરથી ધીરેન્દ્ર શાષાીજીએ રાજકોટ આવવાનો હર્ષ વ્યક્ત કરતા જણાવ્યું હતું કે, ગુજરાતની ધરતી એ સંતો અને મહંતોની પવિત્ર ભૂમિ છે, જ્યાં એક બાજુ સોમનાથ મહાદેવ અને બીજી બાજુ ભગવાન દ્વારકાધીશ સાક્ષાત બિરાજમાન છે. જે પાવન ધરતી ઉપર ભક્ત શિરોમણી નરસિહ મહેતા અને પૂજ્ય જલારામબાપા જેવા મહાન સંતો થઈ ગયા હોય, એ ધરતીના મહિમાનું પૂછવું જ શું?
તેમણે ભારપૂર્વક જણાવ્યું હતું કે, આ હનુમંત કથા હિન્દુઓને પરસ્પર જોડવા માટે છે અને પરમાત્માના પરમ આશીર્વાદથી ભારત હિન્દુ રાષ્ટ્ર બનીને જ રહેશે, તેમાં કોઈ શંકાને સ્થાન નથી. રાષ્ટ્રનો વિરોધ કરનારાઓ નાશ પામશે અને સનાતનની ધજા સદાય ફરકતી રહેશે.
તેમણે અત્યંત રસાળ શૈલીમાં ભક્તોને માર્ગદર્શન આપતા કહ્યું હતું કે, પરમાત્મા એ જાણવાનો વિષય નથી પરંતુ આંતરિક અનુભવ કરવાનો વિષય છે. ક્યારેય જગતના લોકોના ભરોસે રહેવાનું નહીં, પરંતુ જેણે આ આખું જગત બનાવ્યું છે તે પરમાત્મા પર અડગ ભરોસો રાખવો જોઈએ, કારણ કે જેની સાથે પરમાત્મા છે તેનો વિજય સદાય નિﾍતિ હોય છે.
પ્રથમ દિવસે જ સિહગર્જના કરતા ધીરેન્દ્ર શાષીજીએ જણાવ્યું હતું કે, અમો હિન્દુ રાષ્ટ્ર બનાવવાની વાત કરીએ છીએ અને આ કથા હિન્દુઓને જોડવા માટે છે, એટલા માટે જ અમારા વિરોધીઓની સંખ્યા પણ વધી રહી છે. પરંતુ અમારી આ પવિત્ર ઝુંબેશ નિરંતર ચાલુ જ રહેશે. આ આયોજન અંતર્ગત બે દિવસ હનુમંત કથા અને એક દિવસ દિવ્ય દરબારનું વિશેષ આયોજન કરવામાં આવશે. જે જીવ પરમાત્માની સમીપ છે અને સાચા ભાવથી ભક્તિ કરે છે, તેનું દુનિયામાં કોઈ કશું જ બગાડી શકતું નથી.
પૂજ્ય બાબાએ ધર્માંતરણના મુદ્દે ગંભીર ચિતા વ્યક્ત કરતા જણાવ્યું હતું કે, સમાજમાં ધર્માંતરણ રોકવા માટે અમીર હિન્દુઓએ આગળ આવીને ગરીબ હિન્દુ ભાઈ-બહેનોને આર્થિક અને સામાજિક મદદ કરવી જોઈએ. તેમણે આધુનિકતા અને સાહિત્યનો સમન્વય કરતા એક નવું સમીકરણ આપ્યું હતું કે, એ.આઈ. (આર્ટિફિશિયલ ઇન્ટેલિજન્સ) નો અર્થ 'આર્ટિફિશિયલ ઇન્ટેલિજન્સ' થાય છે પરંતુ સનાતનની દ્રષ્ટિએ એચ.આઈ. (હિન્દુત્વ ઇન્ટેલિજન્સ) નો અર્થ 'હિન્દુત્વ ઇન્ટેલિજન્સ' થાય છે. ભક્તનું કામ તો માત્ર શરણાગતિ સ્વીકારીને પડી જવાનું છે, પરંતુ ભક્તને સંભાળવાનું અને તેને દરેક મુશ્કેલીમાંથી ઉગારવાનું કામ સ્વયં ભગવાનનું છે.
તેમણે વિરોધીઓને આડે હાથ લેતા કહ્યું કે, જો હનુમાનજી મહારાજ સમુદ્ર ઓળંગીને લંકામાં જઈ શકતા હોય, તો અમો સનાતનના કાર્ય માટે રાજકોટ કેમ ન આવી શકીએ? સંસાર ઉપર માત્ર વિચાર કરો, પરંતુ ભરોસો તો ભગવાન ઉપર જ રાખો. ઇતિહાસ સાક્ષી છે કે જેમણે ભગવાન પર અનન્ય ભરોસો કર્યો છે તે સીતા માતા, દ્રૌપદી અને શબરીની લાજ ભગવાને જ બચાવી હતી.
વધુમાં તેમણે જણાવ્યું કે બુરાઈનું પ્રતીક રાવણ છે અને સચ્ચાઈ તેમજ સારાઈનું પ્રતીક ભગવાન શ્રી રામ છે. આપણા સમાજ અને જીવનમાંથી બુરાઈનો નાશ કરવા માટે આપણે રામને આપણા આત્માની અંદર જગાડવા જ પડશે. પૂજા અર્ચના ત્યારે જ કરો જ્યારે તમારું મન પ્રભુમાં લાગે, બાકી બાહ્ય આડંબર પૂર્વક બહારથી પૂજા કરવાનો કોઈ અર્થ નથી રહેતો.
આ કથા સ્થળે રાજકોટ શહેર તેમજ આસપાસના ગ્રામ્ય વિસ્તારોમાંથી ખૂબ મોટી સંખ્યામાં જનમેદની ઉપસ્થિત રહી હતી. વિશેષ નોંધનીય બાબત એ હતી કે, માનનીય વડાપ્રધાન શ્રી નરેન્દ્રભાઈ મોદીના માર્ગદર્શન અને જાહેર પરિવહનના પ્રોત્સાહનને ધ્યાનમાં રાખીને અનેક શ્રદ્ધાળુઓએ પોતાના વ્યક્તિગત વાહનો લાવવાને બદલે પબ્લિક ટ્રાન્સપોર્ટ (જાહેર પરિવહન) નો ઉપયોગ કરીને કથા સ્થળે પહોંચવાનું પસંદ કર્યું હતું, અને આ રીતે પર્યાવરણ સંરક્ષણ તેમજ સુવ્યવસ્થિત ટ્રાફિક વ્યવસ્થા જાળવવામાં પોતાની સરાહનીય સહભાગીતા નોંધાવી હતી.
કથા દરમિયાન ઉપસ્થિત હજારો શ્રદ્ધાળુઓએ હનુમાનજીના ઉચ્ચ આદર્શો, સનાતન સંસ્કૃતિના પવિત્ર મૂલ્યો તથા રાષ્ટ્રપ્રેમના દિવ્ય સંદેશને પોતાના જીવનમાં આત્મસાત કર્યો હતો.(૩૭.૯)
વિરોધીઓને
સણસણતો જવાબ અને
હિન્દુ રાષ્ટ્રનો સંકલ્પ
કથાના પ્રથમ દિવસે વ્યાસપીઠ પરથી હુંકાર કરતા બાગેશ્વર ધામ સરકાર પૂજ્ય ધીરેન્દ્રકૃષ્ણ શાષીજીએ જણાવ્યું હતું કે, ભારત હિન્દુ રાષ્ટ્ર બનીને જ રહેશે અને આ કાર્યમાં કોઈ શંકાને સ્થાન નથી. અમારો વિરોધ કરનારાઓ લવ જેહાદ જેવા દૂષણોનો આજે પણ વિરોધ કરે તો સારું. મારો વિરોધ કરવા કરતાં અન્ય ધર્મસ્થાનો પર ચાદર ચડાવવા જતાં ભટકેલા હિન્દુઓનો વિરોધ કરવાની વધુ જરૂર છે. અમો માત્ર હિન્દુઓને પરસ્પર જોડવાની અને ભારતને હિન્દુ રાષ્ટ્ર બનાવવાની વાત કરીએ છીએ એટલા માટે જ અમારો વિરોધ થઈ રહ્યો છે અને અમારા વિરોધીઓ વધી રહ્યા છે, પરંતુ સનાતનની આ પવિત્ર ઝુંબેશ ક્યારેય અટકશે નહીં અને નિરંતર ચાલુ જ રહેશે.
ધર્માંતરણ અટકાવવા આહવાન અને ‘હિન્દુત્વ ઇન્ટેલિજન્સ' નું નવું સમીકરણ
પૂજ્ય ધીરેન્દ્ર શાષાીજીએ કથા દરમિયાન સનાતન ધર્મના રક્ષણ માટે એક અત્યંત મહત્વનો સંદેશ આપ્યો હતો. તેમણે જણાવ્યું હતું કે, સમાજમાં વ્યાપકપણે ચાલી રહેલું ધર્માંતરણ અટકાવવા માટે સક્ષમ અને અમીર હિન્દુઓએ આગળ આવવું પડશે અને આર્થિક રીતે નબળા તેમજ ગરીબ હિન્દુ ભાઈ-બહેનોને દરેક પ્રકારે મદદ કરવી જોઈએ. વધુમાં તેમણે આજના આધુનિક યુગના સંદર્ભમાં જણાવ્યું કે એ.આઈ. એટલે કે 'આર્ટિફિશિયલ ઇન્ટેલિજન્સ' ની સામે સનાતનીઓએ એચ.આઈ. એટલે કે 'હિન્દુત્વ ઇન્ટેલિજન્સ' ને જગાડવું પડશે. જો આપણો આત્મા જાગૃત હશે અને ભગવાન પર અડગ ભરોસો હશે તો આપણું કોઈ કાંઈ બગાડી શકશે નહીં.
વડાપ્રધાનશ્રીની પ્રેરણાથી ભક્તોએ પર્યાવરણ
અને ટ્રાફિક વ્યવસ્થામાં આપ્યો સહયોગ
રાજકોટના રેસકોર્સ મેદાન ખાતે આયોજિત આ ભવ્ય હનુમંત કથામાં માત્ર આધ્યાત્મિકતા જ નહીં પરંતુ સામાજિક જવાબદારીનું પણ ઉત્કૃષ્ટ ઉદાહરણ જોવા મળ્યું હતું. માનનીય વડાપ્રધાન શ્રી નરેન્દ્રભાઈ મોદીના પર્યાવરણ સંરક્ષણના માર્ગદર્શન અને જાહેર પરિવહનના પ્રોત્સાહનને સ્વીકારીને કથામાં આવતા હજારો શ્રદ્ધાળુઓએ પબ્લિક ટ્રાન્સપોર્ટ (જાહેર પરિવહન) નો મહત્તમ ઉપયોગ કર્યો હતો. ભક્તોએ પોતાના ખાનગી વાહનો ટાળીને એસ.ટી. બસ, સિટી બસ અને ઓટો રિક્ષા જેવા જાહેર સાધનો દ્વારા કથા સ્થળે પહોંચીને પર્યાવરણ સુધારણા તેમજ શહેરની સુવ્યવસ્થિત ટ્રાફિક વ્યવસ્થા જાળવવામાં અદભુત સહભાગીતા નોંધાવી હતી.
(2:56 PM IST)
