રાજકોટઃ તા.૬, નવા થોરાળા વણકારવાસ ખાતે રહેતા પ્રવિણભાઇ ચાવડા તથા અન્‍યોએ કલેકટરને આવેદન પાઠવી  રાજકોટના સર્વે નં. ૧પ પૈ. જમીન એ. ૧૧-પ ગુંઠામાં ચાલતા ગેરકાયદેસરના બાંધકામ અંગે વિસ્‍તૃત રજુઆતો કરી છે.  આવેદનમાં ઉમેર્યુ હતું કે, શ્રી રામનગર ઇન્‍ડ.એ એશો કે જે ૮૦ ફુટ રોડ કે. રસીકલાલના કારખાના પાછળ  રાજકોટમાં આવેલ છે એ રામનગર ઇન્‍ડ.એ એશોવાળી જમીન ઉપરનાં ૩૦૦ થી ૪૦૦ જેટલા ગેરકાયદેસરના કારખાનાઓના બાંધકામો સરકાની મંજુરી વગરના ખડકાયેલાં છે અને હાલમાં પણ નવા બાંધકામ થયેલા છે. વિશેષમાં જણાવવાનું કે અમો અરજદાર તા.૪/૧૦/રપ થી (૧) મામ.શ્રી (પૂર્વે)  રાજકોટને ગેરકાયદેસરના બાંધકામોના ફોટોગ્રાફસ સાથે અરજી કરેલ છે. તેમાં તા. ૧૧/૦ર/ર૦ર૦ નો મનાઇ હુકમ આપેલ હોવા છતાં સને ર૦૧૯/ર૦ર૦ તથા ર૦રપ-ર૬ માં ચાલતા મંજુરી વગરના ગેરકાયદેસરના બાંધકામો અંગે અમોએ દસ્‍તાવેજી પુરાવાઓ અને ફોટોગ્રાફ સાથે રજુઆતો કરેલ હતી. અને ત્‍યારબાદ અવાર-નવાર આ જગ્‍યાં ઉપર ગેરકાયદેસરનાં બાંધકામો થતા રહેલ છે. એટલે માત્ર કાગળ ઉપર જ કાર્યવાહી કરી સંતોષ માની લે છે, તો આવા મામ.શ્રી (પૂર્વ) ના હુકમનો પણ સરેઆમ ભંગ થાય છે અને તેનો કોઇ જ અમલ થતો નથીઅને આવા લોકો સામે કોઇ કડક કાર્યવાહી થતી નથી.

 આવા ગેરકાયદેસરનાં બાંધકામો કરનારાઓની સામે આવા દબાણો દૂર કરવાના હુકમો હોવા છતાં કોઇ અમલવારી થતી નથી.

આ બાબતે અમોએ મ્‍યુનિ. કમિશ્નરશ્રી  રાજકોટને પણ અરજી કરી જાણ કરેલ છે તેઓ તરફથી થયેલ આ પ્રકરણ અંગેનાં પત્રોની નકલો આ સાથે સામેલ છે.

આ બાબતે અમોએ P.G.V.C.L. આજીવસાહત ૬-૭  રાજકોટને પણ આવા ગેરકાયદેસરના  બાંધકામોમાં હેવી ઇલે. કનેકશનો કયાં આધારે આપવામાં આવેલ છે. તેવી માહિતી માંગવા છતાં આપેલ નથી.

આ અરજી બાબતે અમો અરજદારે RTI  માંથી માહિતી માંગવા છતાં પૂરતી માહિતી ન આપવાથી આવા પ્રકરણમાં કંઇક ગડબડ થઇ હોય તેવું લાગે છે.

તો આપશ્રી આ પ્રકરણ બાબતે તાત્‍કાલીક આપશ્રીની લાગતા વળગતા ખાતાઓને ખાસ સૂચના આપી તાત્‍કાલીક જીણવટભરી તપાસ કરાવી કડક કાર્યવાહી કરવા કરાવવા હુકમ થવા મહેરબાની કરશો.