તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
રાજકોટ મનપાના વહીવટદાર તરીકે રેમ્યા મોહનના સ્થાને હવે પૂર્વ કલેકટર રાજેન્દ્રકુમાર : સરકારે કરી નિમણૂક
રાજકોટ,તા.૩૧: રાજ્ય સરકાર દ્વારા મહત્વપૂર્ણ વહીવટી નિર્ણય લેવામાં આવ્યો છે, જેમાં રેમ્યા મોહનના સ્થાને હવે રાજકોટના પૂર્વ કલેક્ટર રાજેન્દ્રકુમારને વહીવટદાર તરીકે નિમણૂક કરવામાં આવી છે.
સરકારી સુત્રોના જણાવ્યા મુજબ, આ બદલી તાજેતરમાં લેવાયેલા વહીવટી ફેરફારોના ભાગરૂપે કરવામાં આવી છે. નવા વહીવટદાર તરીકે રાજેન્દ્રકુમાર હવે સંબંધિત વિભાગની જવાબદારી સંભાળશે અને ચાલી રહેલા પ્રોજેક્ટ્સ તથા વહીવટી કામગીરીને આગળ વધારશે.
ઉલ્લેખનીય છે કે રાજેન્દ્રકુમાર અગાઉ રાજકોટ જિલ્લામાં કલેક્ટર તરીકે કાર્યરત રહી ચૂક્યા છે અને તેમના કાર્યકાળ દરમિયાન પ્રશાસનમાં અસરકારક કામગીરી માટે ઓળખ મેળવેલી છે. હવે તેમની નિમણૂકથી વહીવટી તંત્ર વધુ મજબૂત બનવાની અપેક્ષા વ્યક્ત કરવામાં આવી રહી છે. (૩૭.૧૩)
(12:09 PM IST)
