રાજકોટઃ શહેરના મોરબી રોડ બેડી ચોકડીએ વધુ એક વખત ટ્રાફિક જામ થઇ ગયો હતો. ચારેય બાજુના રસ્‍તાઓ પર વાહનોની કતાર જામી જતાં અડધો કલાક સુધી ટ્રાફિક જામ રહેતાં વાહનચાલકો હેરાન પરેશાન થઇ ગયા હતાં. કોઇ નાગરીકે ફોન કરતાં ટ્રાફિક બ્રાંચની ગાડીઓ પહોંચી હતી અને જામ ક્‍લીયર કરાવ્‍યો હતો. જાણવા મળ્‍યા મુજબ આ રોડ પર બેડી ચોકડીએથી પવન ચક્કી ભરેલા ટ્રકો પસાર થયા હતાં એ જ વખતે કોલેજની બસો પણ નીકળી હતી. આ વખતે ટર્ન ન લઇ શકતાં વાહનો ફસાયા હતાં. આ કારણે એક પાછળ એક વાહનો ઉભા રહી ગયા હતાં. ચારેય તરફના રસ્‍તા પર વાહનોની કતારો જામી જતાં અસંખ્‍ય વાહનચાલકો હેરાન પરેશાન થઇ ગયા હતાં. વાહનોની કતારો તસ્‍વીરોમાં જોઇ શકાય છે. (તસ્‍વીરઃ અભિજીત બગથરીયા)