તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
રેસકોર્સ સંકલનના વિવિધ ગ્રાઉન્ડ ખાતે તા.૦૮ એપ્રિલ સુધી રાત્રીના ૯ થી સવારનાં ૬ સુધી પ્રવેશબંધ રહેશે
ઓફીશીયેટીંગ ડિરેક્ટર રીક્રુટીંગ (ARMY) દ્વારા ગુજરાત રાજ્યના વિવિધ જિલ્લાઓ માટે આર્મી રીક્રુટમેન્ટ રેલી અંગેનુ આયોજન
રાજકોટ,તા.૨૩: ઓફીશીયેટીંગ ડિરેક્ટર રીકૂટીંગ (ARMY) દ્વારા ગુજરાત રાજ્યના વિવિધ જિલ્લાઓ માટે આર્મી રીક્રુટમેન્ટ રેલી અંગેનુ આયોજન કરવામાં આવેલ છે. જે અંતર્ગત રાજકોટ મહાનગરપાલિકા, રેસકોર્ષ સંકુલ હસ્તકના નીચે જણાવેલ વિવિધ ગ્રાઉન્ડ ખાતે તા.૨૩ માર્ચ થી તા.૦૮ એપ્રિલ સુધી આ આર્મી રીક્રુટમેન્ટ રેલી અંગેનુ આયોજન કરવામાં આવનાર છે.
આ ભરતી પ્રક્રિયા દરમ્યાન સિન્થેટીક એથ્લેટીક ટ્રેક, ફુટબોલ ગ્રાઉન્ડ તથા હોકી ગ્રાઉન્ડ વચ્ચે આવેલ વ્યુઇંગ ગેલેરી, હોકી ગ્રાઉન્ડની સામે આવેલ લોન એરીયા, ઇન્ડોર સ્ટેડીયમ પરીસર, નવી બિલ્ડીંગનું પરીસર, ૦૬ ટેનીસ કોર્ટ, ૦૨ ટેનીસ કોર્ટ, ફુટબોલ ગ્રાઉન્ડ, ફૂટબોલ ગ્રાઉન્ડથી ૦૬ ટેનીસ કોર્ટ સુધીનો રસ્તો તથા ફૂટબોલ ગ્રાઉન્ડની બાજુની બ્યુટીફીકેશન ગલી સહિતના ગ્રાઉન્ડ તથા પરિસર ખાતે તા.૨૩ માર્ચ થી તા.૦૮ એપ્રિલ રાત્રીના ૯ વાગ્યાથી સવારનાં ૬ સુધી જાહેર જનતા અને તમામ મેમ્બર્સ માટે પ્રવેશ સંપૂર્ણ બંધ રહેશે. આ સાથે સવારના ૬ થી રાત્રીના ૯ વાગ્યા દરમ્યાન રાબેતા મુજબ ચાલુ રહેશે, જેની જાહેર જનતા અને તમામ મેમ્બર્સએ નોંધ લેવા તેમજ આ સમયગાળા દરમ્યાન સાથ સહકાર આપવા અનુરોધ કરવામાં આવે છે.
(4:07 PM IST)
