તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
મહાપાલિકાનું બજેટ સુચારૂ, પણ વેરા બીલમાં ચક્રવૃદ્ધિ વ્યાજનો નિર્ણય ખોટો
શાસકોના નિર્ણયને વધાવવા સાથે યશવંત જનાણીનું સૂચન
રાજકોટ તા.૧૩: સમાજ સેવા સંગઠક યશવંતભાઈ જનાણીએ રાજકોટ મ્ય.કોર્પોરેશનની સ્ટેન્ડિંગ કમિટીના ચેરમેન જયમીન ઠાકર અને સભ્યોનો આભાર માનતા જણાવેલ કે, મ્યુનિ. કમિશ્નર શ્રી દ્વારા સુચવેલા પાણીવેરામાં અને ગાર્બેજ ટેક્ષમાં વધારાને ૨૦૨૬-૨૭ નું બજેટમાં ફગાવી દઈ જનતાની સાચી સેવા કરી છે.
પરંતુ મકાનવેરામાં આંશિક વ્યાજ માફી કે રૂ. ૫૦૦૦/-ની રાહત રાજકોટની જનતાને જોઈતી નથી તેઓને વાર્ષિક ૧૮%લેવાતો વ્યાજદર અને બીલ ન ભરે તો તેના ઉપર ચડતું ચક્રવળદ્ધિ વ્યાજ જો માફ કરી દે તો ગરીબ અને મધ્યમવર્ગની જનતાને મોટો ફાયદો થશે તેવું સુચન છે. મકાનવેરામાં બીલ ન ભરવા ને કારણે લેવાતા વ્યાજનો દર ઓછામાં ઓછો ૫-૬ ટકાનો હોવો જોઈએ. તેમ અંતમાં યશવંત જનાણીએ જણાવ્યુ છે.
(3:11 PM IST)
