રાજકોટના જાણીતા હેમુ ગઢવી હોલ ખાતે ચાલી રહેલા 'હું નથુરામ' નાટકનો કોંગ્રેસ દ્વારા ઉગ્ર વિરોધ કરવામાં આવ્યો હતો. નાટક શરૂ થતાની સાથે જ કોંગ્રેસના કાર્યકર્તાઓ હોલમાં ધસી ગયા હતા અને સૂત્રોચ્ચાર સાથે સ્ટેજ પર ચડી ગયા  હતા  આ દરમિયાન પ્રદર્શનકારીઓ અને પોલીસ વચ્ચે ભારે ઝપાઝપીના દ્રશ્યો સર્જાયા હતા. સ્થિતિ વણસતા પોલીસે તાત્કાલિક કાર્યવાહી કરી વિરોધ કરી રહેલા કોંગ્રેસના કાર્યકર્તાઓની અટકાયત કરી હતી. આ ઘટનાને પગલે હોલ પરિસરમાં ચુસ્ત પોલીસ બંદોબસ્ત ગોઠવી દેવામાં આવ્યો છે.