રાજકોટ તા. ૪: માધાપર ચોકડીથી આગળ નવી કાોર્ટ સામે સિંધી સોસાયટીમાં રહેતાં સતિષભાઇ મોહનભાઇ ચાવલા (ઉ.વ.૭૫) નામના વૃધ્‍ધ તા. ૨ના સાંજે સાડા ચારેક વાગ્‍યે ટુવ્‍હીલર હંકારીને જતાં હતાં ત્‍યારે પડધરી બાયપાસ પાસે ઇકો કારના ચાલકે ઠોકરે લેતાં ગંભીર ઇજા થતાં સારવાર હેઠળ હતાં. તેમનું આજે મૃત્‍યુ થતાં પરિવારમાં શોક છવાઇ ગયો છે.

જાણવા મળ્‍યા મુજબ મૃત્‍યુ પામનાર સતિષભાઇ ચાર બહેન અને ત્રણ ભાઇમાં બીજા હતાં અને કપડાનો વેપાર કરતાં હતાં. તેમને સંતાનમાં ત્રણ દિકરી અને એક દિકરો છે. પડધરીમાં સોમવારી બજાર ભરાય છે ત્‍યાં કપડા વેંચવા માટે જતી વખતે આ અકસ્‍માત નડયો હતો. હોસ્‍પિટલ ચોકીના સ્‍ટાફે પડધરી પોલીસને જાણ કરી હતી.