રાજકોટઃ રાજકોટ માર્કેટયાર્ડમાં આજે કપાસની ૪૧૦૦૦ મણની જંગી આવક થઇ હતી. યાર્ડમાં આજે વિવિધ જણસી ભરેલા ૧૦૫૦થી વધુ વાહનોને પ્રવેશ અપાયો હતો. જેમાં કપાસ ઉપરાંત સોયાબીન ૧૪૦૦૦ મણ, ઘંઉ ૭૦૦૦ મણ, ચણા ૫૫૦૦ મણ, લસણ ૩૮૦૦ મણ, મગ ૬૦૦૦ મણ, સફેદ તલ ૬૫૦૦ મણ, જીરૂ ૫૭૦૦ મણ, સીંગફાળા ૬૫૦૦ મણ તથા કાળા તલની ૨૩૦૦ મણની આવક થઇ હતી. યાર્ડના ચેરમેન જયેશભાઇ બોઘરા, વાઇસ ચેરમેન યાર્ડના ડીરેકટરો તથા સ્‍ટાફ દ્વારા ઉતરાઇની વ્‍યવસ્‍થા કરવામાં આવી હતી. તસ્‍વીરમાં કપાસના ઢગલા અને અન્‍ય જણસીનો જથ્‍થો નજરે પડે છે.