​રાજકોટઃ શહેર એસઓજીને મોટી સફળતા મળી છે. રીમાન્ડ પર રહેલી કુખ્યાત 'મુરગા ગેંગ'ની સઘન પૂછપરછ અને કાર્યવાહી દરમિયાન તેમની પાસેથી ગેરકાયદેસર હથિયારોનો જથ્થો જપ્ત કરવામાં આવ્યો છે.મળતી માહિતી મુજબ, પોલીસે ગેંગના કબજામાંથી કુલ 3 પિસ્તોલ કબજે કરી છે. આ ઉપરાંત, ગેંગ દ્વારા અપરાધિક પ્રવૃત્તિઓમાં ઉપયોગમાં લેવાતી મહિન્દ્રા થાર (Thar) અને રોક્સ (Rox) મોડલની કાર સહિત અન્ય વાહનો પણ જપ્ત કરવામાં આવ્યા છે.​પોલીસે ગેરકાયદેસર હથિયારો અને કબજે કરેલા વાહનો અંગે વધુ તપાસ શરૂ કરીને ગેંગના અન્ય સભ્યોને પકડવાની દિશામાં કાયદેસરની કાર્યવાહી હાથ ધરી છે. ડીસીપી ક્રાઇમ જગદીશ બાંગરવા, એસીપી ભરત બસિયાની રાહબરીમાં પીઆઇ સંજયસિંહ જાડેજા અને ટીમ વધુ તપાસ હાથ ધરી છે.