રાજકોટ તા. ૧૮: એંસી ફુટ રોડ બંસીધર વે બ્રીજ પાછળ શ્રી હરિ ઇન્‍ડસ્‍ટ્રીઝ એરીયામાં રહેતાં અને બફ કામ કરતાં મુળ અલીગઢ યુપીના શાનુ શકીલભાઇ ખાન (ઉ.વ.૩૦)એ એસિડ પી આપઘાતનો પ્રયાસ કરતાં સિવિલ હોસ્‍પિટલમાં ખસેડાતાં હોસ્‍પિટલ ચોકીના સ્‍ટાફે થોરાળા પોલીસને જાણ કરી હતી.

શાનુ રાજકોટ રહી ફેક્‍ટરીમાં બફ કામ કરે છે. તેને સંતાનમાં એક દિકરો છે. પત્‍નિ અને દિકરો વતનમાં રહે છે. શાનુને વતનની જ કોઇ બીજી યુવતિ સાથે સંપર્ક હોઇ તે ફોનમાં વાત કરતો હોવાની જાણ તેની પત્‍નિને થતાં આ બાબતે બંને વચ્‍ચે ગઇકાલે ફોન પર વાત કરતી વખતે બોલાચાલી થઇ હતી. આ કારણે શાનુ એસિડ પી ગયાનું સગાએ કહ્યું હતું.