તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ફલાવર બેડ મામલે સરકારનો જનહિતકારી નિર્ણય : બીલ્ડર પાસેથી તોતીંગ ફી વસુલી કમ્પલીશન અપાશે
શહેરના અલગ અલગ ધંધા સાથે સંકળાયેલ ૧૦ થી ૧ર એસોસીયેશન દ્વારા રાજય સરકારમાં રજુઆત કરવામાં આવી હતી
રાજકોટ, તા. ૧૭ : રાજ્ય સરકારને રાજકોટ શહેર ના અલગ અલગ ધંધા સાથે સંકળાયેલ ૧૦ થી ૧૨ એસોસિયેશન દ્વારા મુદાઓ સાથે રજુઆત કરવામાં આવી હતી.
જેમાં છેલ્લા ૧૫ મહિના જેટલા સમય થી રાજકોટમાં વહીવટી ગુચને કારણે આશરે ૧૫૦૦૦ થી વધારે મિલ્કતો જેવીકે મકાનો, રેહણાક હેતુ માટેના ફ્લેટસ, ઓફિસો, દુકાનો વગેરેમાં ભોગવટા પ્રમાણપત્ર (કમ્પ્લીશન સર્ટીફીકેટ) આપવાનું સ્થગિત થઇ ગયેલ હતું.
ભોગવટા પ્રમાણપત્ર (કમ્પ્લીશન સર્ટીફીકેટ) ન મળવાને કારણે બાંધકામ ઉદ્યોગ ઠપ્પ થઈ જવાથી આની સાથે સંકળાયેલ નાના મોટા ધંધાર્થીઓ કે જેવો હાર્ડવેર, કિચન એપ્લાયન્સ, રેતી, ઈટ, કપચી, સિમેન્ટ, લાદી, ઇલેક્ટ્રિક સામાન, પ્લમ્બિંગ સામાન જેવા આશરે ૩૦૦ થી વધારે નાના મોટા ગ્શ્લ્ત્ફચ્લ્લ્ સાથે સંકળાયેલ છે તેવા હજારો વેપારીઓ કળત્રિમ મંદીનો સામનો કરી રહ્યા છે તથા તેમની આવક બંધ થઈ જવાથી કે અત્યંત ઓછી થઇ જવાથી કલ્પના પણ ન કરી શકાય તેવી નાણાકીય ભીડમાં તેમજ વ્યાજના વિષચક્કર માં ફસાયેલ છે.
ભોગવટા પ્રમાણપત્ર (કમ્પ્લીશન સર્ટીફીકેટ) ન મળવાને કારણે નવું બાંધકામ બંધ થઈ જતા આની સાથે સંકળાયેલ રોજમદાર વર્ગ જેમકે મજુર, કડિયા, લાદી કાપતા લગાડતા અને ઘસવા વાળા, કાચા માલ-સામાનની હેરફેર કરતા રિક્ષા વાળા, રેકડી વાળા, ટ્રેકટર મેટાડોરના ડ્રાઈવર, પ્લમ્બર, ઇલેક્ટ્રિકના કારીગર જેવા હજારો લાખો લોકો ની રોજમદારી બંધ થઇ જતા નાણાકીય મુશ્કેલીમાં પીડાઈ રહ્યા છે. આવા રોજમદારી ઉપર નભતા લોકોના બાળકોના શિક્ષણ ઉપર અને તેવો ના કુટુંબના સભ્યો બીમાર થાય ત્યારે અપૂરતી નાણાકીય જોગવાઈને કારણે તેમની સારવારમાં પણ ઉણપ રહે છે.
ઉપરોક્ત લોકોને નાણાકીય ભીડ ને કારણે સીધી રીતે સંકળાયેલ નહિ પરંતુ આડતરીક રીતે સંકળાયેલ નાના ચાના, પાનના, કરીયાણાના, શાકભાજીના વેપારીઓ જેવા અનેક ધંધાર્થીઓ ના ધંધાને પણ મોટી અસર પડેલ છે.
આશરે ૧૫૦૦૦ જેટલા યુનિટોનું ભોગવટા પ્રમાણપત્ર (કમ્પ્લીશન સર્ટીફીકેટ) ન મળવાને કારણે આવા કુટુંબોના લોન ના છેલ્લા હપ્તા અટકી જતા તેમજ ખરીદ કરેલ મિલકતમાં રેહવા ન જઈ શકવાને કારણે તેવોને લોનના હપ્તાના તેમજ ભાડાનો એમ બંને રીતે આર્થિક માર પડેલ છે જેને લઇ આર્થિક સંકડામણ આવતા તેવો નિરાશ થઈ ગયેલ છે. જે સામાન્ય લોકોએ ઓફીસ ખરીદ કરેલ છે તેવોને સમયસર પોતાની ઓફીસનો કબ્જોન મળવાથી પોતાનો વ્યવસાય સમયસર ચાલુ કરી શકેલ નથી જેને લઈને તેવો નાણાકીય ભીડની સાથે સાથે નિરાશ થઇને ડીપ્રેસનમાં આવી ગયેલ છે.
ભોગવટા પ્રમાણપત્ર (કમ્પ્લીશન સર્ટીફીકેટ) ન મળવાને કારણે ખરીદેલ મિલકતના દસ્તાવેજ ન થઈ શકવાથી સરકારની પણ સ્ટેમ્પ ડ્યુટી અને રજીસ્ટ્રેશન ફી ની આવક માં મોટું ગાબડું પડેલ છે જેની અસર રાજ્યના વિકાસ પર પડેલ છે.
નવું બાંધકામ અટકી જતા વધારા ની FSI પર સત્તામંડળ ને ચુકવવામાં આવતી રકમ માં મોટો ઘટાડો આવતા શહેર નો વિકાસ અટકી ગયેલ છે તેમજ ભોગવટા પ્રમાણપત્ર (કમ્પ્લીશન સર્ટીફીકેટ) ન મળવાને કારણે ખરીદેલ મિલકત નું હાઉસ ટેક્સ નું રજીસ્ટ્રેશન ન થતા નવા હાઉસ ટેક્સ ની આવક પણ બંધ થઈ ગયેલ છે.
રાજકોટમાં હજારોની સંખ્યા રહેલ નાના મોટા હજારો કારખાના, અનેક વ્યવસાય સાથે સંકળાયેલ હજારો કર્મચારીઓને પણ ભોગવટા પ્રમાણપત્ર (કમ્પ્લીશન સર્ટીફીકેટ) ન મળવાને કારણે ખરીદેલ મિલકત માં હપ્તા અને ભાડાની રકમ એમ બંને રકમ નો માર પડતા તેવો પણ નાણાકીય ભીડ અનુભવતા પોતાની નોકરીમાં સરખું ધ્યાન દઈ ન શકતા આવા કારખાનાની તેમજ વ્યવસાય ની PRODUCTIVITY માં મોટી અસર સ્પષ્ટ રીતે દેખાઈ રહેલ છે.
ઉપરોક્ત તમામ પરિબળો ને ધ્યાને લઇ ને આશરે ૧૦ થી ૧૨ એસોસિયેશન ની માંગણી ને ધ્યાને લઈને સરકાર દ્વારા ભવિષ્યમાં આ પ્રકાર નું કાર્ય ન થાય તેને ધ્યાને લઇ બિલ્ડરો ને આકરો દંડ કરી ભોગવટા પ્રમાણપત્ર ને લગત વહીવટી ગુંચ ઉકેલી ને લોકહિતમાં યોગ્ય અને સહકાર દર્શાવતો અસરકારક નિર્ણય લેવામાં આવેલ છે.
(4:03 PM IST)
