રાજકોટના ૧૫૦ ફૂટ રિંગ રોડ પર એક ગંભીર અકસ્માત સર્જાયો છે. અહીં એક ટેન્કર પલટી જતાં ટેન્કરની અંદર સવાર બે લોકોના ઘટનાસ્થળે જ મોત થયા છે. આ ઉપરાંત, ત્રણ લોકોને બહાર કાઢીને તાત્કાલિક સારવાર માટે હોસ્પિટલ ખસેડવામાં આવ્યા છે. અકસ્માત બાદ ટેન્કર નીચે અન્ય બે લોકો પણ ફસાયા હોવાની આશંકા છે. ઘટનાની જાણ થતા જ પોલીસ અને ફાયર બ્રિગેડની ટીમ તાત્કાલિક સ્થળ પર પહોંચી ગઈ છે અને બચાવ કામગીરી શરૂ કરી છે. આ અકસ્માતને કારણે રિંગ રોડ પર ટ્રાફિક જામની સ્થિતિ સર્જાઈ છે