રાજકોટ, રાજકોટના યાજ્ઞિક રોડ ઉપર નાલા ઉપર સ્‍લેબ ભરવાનું સંપૂર્ણ કામ આજે બપોરે પૂર્ણ થઈ ગયું હોવાનું જાણવા મળે છે. સીમેન્‍ટ કોંક્રીટ થકી સ્‍લેબ ભરવામાં આવ્‍યો હોઈ એકાદ-બે દિવસ તે સુકાયા બાદ રોડ ખુલ્લો મૂકી દેવાશે તેવા નિર્દેશ મળે છે. આ રોડ વ્‍હેલી તકે ખુલે એ જરૂરી છે કારણકે આવતીકાલથી લોકમેળો શરૂ રહયો છે. દરમ્‍યાન સર્વેશ્‍વર ચોકમાં પણ નાલા પર સ્‍લેબ ભરવાનું કામ પૂર્ણ થઈ ગયું છે હવે માત્ર પડખા ઉપર સીમેન્‍ટ-કોંક્રીટ પાથરવાનું કામ ચાલી રહયું છે. જે રીતે કામ ચાલે છે તે જોતા આ ચોક પણ બે-ત્રણ દિવસમાં ખુલ્લો મૂકાય તેવી શકયતા છે. યાજ્ઞિક રોડ અને સર્વેશ્‍વર ચોક ખુલ્લો મૂકાય તેની આસપાસના ધંધાર્થીઓ-વેપારીઓ-ઓફિસધારકો વગેરે લાંબા સમયથી રાહ જોઈ રહયા છે.