તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
જન્માષ્ટમીની ભવ્ય ઉજવણીઃ રાજકોટના પેડક રોડ પરઃ વ્રજલીલા કાર્યક્રમનું અનોખું આયોજન
સુપ્રસિદ્ધ ગાયક દેવ ભટ્ટ અને તેમની ટીમ ૪૫ કલાકારો સાથે કૃષ્ણભક્તિના સંગીતમય સૂર રેલાવશે
રાજકોટઃ જન્માષ્ટમી પર્વની ભવ્ય ઉજવણીના ભાગરૂપે, અહીંના પેડક રોડ પર આવેલા બાલક હનુમાન મંદિર ખાતે ધારાસભ્ય શ્રી ઉદય કાનગડના સહયોગથી વ્રજલીલા કાર્યક્રમનું આયોજન કરવામાં આવ્યું છે. આવતીકાલે, તા. ૧૪ ના રાંધણ છઠ્ઠના રોજ, રાત્રે ૮:૩૦ કલાકે આ કાર્યક્રમ યોજાશે, જેમાં સુ-સિદ્ધ ગાયક દેવ ભટ્ટ અને તેમની ટીમ ૪૫ કલાકારો સાથે કૃષ્ણભક્તિના સંગીતમય સૂર રેલાવી શ્રોતાઓને મંત્રમુગ્ધ કરશે. આ અવસરે મંદિર પરિસરને ગોકુળીયા માહોલની જેમ સજાવવામાં આવશે અને જન્માષ્ટમીની રાત્રે મટકી ફોડ સહિતના કાર્યક્રમો પણ યોજાશે.
રાજકોટમાં જન્માષ્ટમી પર્વને ભવ્યતાથી ઉજવવા માટે અનેરો ઉત્સાહ જોવા મળી રહ્યો છે. આ તહેવારને આવકારવા માટે શહેરના પેડક રોડ પર આવેલા સુ-સિદ્ધ બાલક હનુમાન મંદિર ખાતે એક વિશેષ કાર્યક્રમનું આયોજન કરવામાં આવ્યું છે.
ધારાસભ્ય શ્રી ઉદય કાનગડના સહયોગથી આયોજિત આ કાર્યક્રમનું નામ વ્રજલીલા રાખવામાં આવ્યું છે. આ કાર્યક્રમ આવતીકાલે, એટલે કે રાંધણ છઠ્ઠ, તા. ૧૪ ઓગસ્ટના રોજ, રાત્રે ૮:૩૦ કલાકે યોજાશે.
વ્રજલીલા કાર્યક્રમમાં જાણીતા ગાયક દેવ ભટ્ટ અને તેમની ૪૫ કલાકારોની ટીમ દ્વારા કળષ્ણભક્તિના સંગીતસભર કાર્યક્રમની પ્રસ્તુતિ કરવામાં આવશે. આ કાર્યક્રમ માત્ર એક નાટય પ્રસ્તુતિ નથી, પરંતુ તે ભક્તિનો એક જીવંત અનુભવ છે, જ્યાં ભક્તો કળષ્ણપ્રેમના સાગરમાં ડૂબકી લગાવી શકશે.
શ્રી કાનગડના જણાવ્યા અનુસાર, ધાર્મિક પર્વો સમાજમાં એકતા, સંસ્કાર અને આધ્યાત્મિક ઊર્જા ફેલાવવાનો સુવર્ણ અવસર પૂરો પાડે છે. આ કાર્યક્રમો દ્વારા નવી પેઢીને આપણી પરંપરાઓ અને જીવનમૂલ્યોથી પરિચિત કરાવી શકાય છે.
આ ઉપરાંત, જન્માષ્ટમી પર્વ નિમિત્તે બાલક હનુમાન મંદિર પરિસરને ધજા-પતાકા, આકર્ષક ફ્લોટ-સુશોભન અને નયનરમ્ય રોશનીથી શણગારીને ગોકુળીયો માહોલ બનાવવામાં આવશે. જન્માષ્ટમીની રાત્રે મટકી ફોડ અને મહિલાઓ દ્વારા રાસોત્સવ જેવા કાર્યક્રમો પણ યોજાશે.
સર્વ શ્રી ઉદય કાનગડ, શહેર ભાજપ મહામંત્રી અશ્વિન મોલીયા અને શ્રી બાલક હનુમાન મંદિર ટ્રસ્ટ દ્વારા રાજકોટના તમામ નાગરિકોને આ ભવ્ય જન્માષ્ટમી મહોત્સવ-૨૦૨૫ અને ‘‘વ્રજલીલા'' કાર્યક્રમનો લાભ લેવા માટે જાહેર અનુરોધ કરવામાં આવ્યો છે.
(3:54 PM IST)
