રાજકોટઃ દૂષ્‍કર્મનો વધુ એક બનાવ રાજકોટમાં નોંધાયો છે. અહિ ગોંડલ રોડ વિસ્‍તારમાં રહેતાં એક હવસખોરે પોતાની જ ૧૨ વર્ષની દિકરી સાથે બળજબરીથી દૂષ્‍કર્ર્મ આચરી લીધાનો ગુનો દાખલ થતાં ખળભળાટ મચી ગયો છે.

આ બનાવમાં તાલુકા પોલીસ સ્‍ટેશનમાં બાળાની માતાની ફરિયાદ પરથી હવસખોર પિતા વિરૂધ્‍ધ પોક્‍સો, દૂષ્‍કર્મનો ગુનો દાખલ થયો છે. ફરિયાદી મહિલાએ જણાવ્‍યું છે કે છ મહિનાના સમયગાળામાં અવાર-નવાર તેણીની બાર વર્ષની દિકરી સાથે તેના જ પતિએ અડપલા કરી બળજબરીથી દૂષ્‍કર્મ આચરી લીધું છે. બાર વર્ષની બાળાને તેણીના પિતાએ જ હવસખોરીનો શિકાર બનાવી લેતાં ચકચાર મચી ગઇ છે. તાલુકા પોલીસ સ્‍ટેશનના પીઆઇ ડી. એમ. હરિપરા અને સ્‍ટાફે આરોપી પિતાને ઝડપી લેવા તજવીજ હાથ ધરી છે.