રાજકોટઃ કાલાવડ રોડ પર નંદનવન સોસાયટીમાં રહેતાં આપના સંગઠન મંત્રી વિજયસિંહ તખતસિંહ જાડેજા (ઉ.વ.૩૬) તથા અન્‍ય કાર્યકરો મહાનગર પાલિકા કચેરી ખાતે છાત્રાના અકસ્‍માતની ઘટના બાબતે રજૂઆત કરવા ગયા ત્‍યારે રજૂઆત વખતે વિજયસિંહ જાડેજાને છાતીમાં દુઃખાવો ચાલુ થઇ જતાં ૧૦૮ મારફત સિવિલ હોસ્‍પિટલમાં ખસેડાયા હતાં. અહિથી વધુ સારવાર માટે તેમને ખાનગી હોસ્‍પિટલમાં લઇ જવાયા હતાં. બનાવને પગલે સમાજના આગેવાનો અને આપના કાર્યકરો હોસ્‍પિટલ ખાતે દોડી આવ્‍યા હતાં. (ફોટોઃ અભિજીત બગથરીયા)