રાજકોટ તા.૫: કોઠારીયા સોલવન્‍ટ પચ્‍ચીસ વારીયા કવાર્ટરમાં રહેતા છ વર્ષના બાળકને પાડોશીએ પાળેલા બે કુતરાએ પગના ભાગે બટકા ભરી લેતા ઇજા થતા બાળકને સારવાર માટે સિવિલ હોસ્‍પિટલમાં ખસેડાયો છે.

મળતી વિગત મુજબ મુળ બિહાર હાલ કોઠારિયા સોલવન્‍ટ ૨૫ વારીયા કવાર્ટરમાં પરિવાર સાથે રહેતો સાગર નિરાલાભાઇ ચોંધરી (ઉ.વ.૬) ગઇકાલે પોતાના ઘર પાસે હતો ત્‍યારે પાડોશીએ પાળેલા બે કુતરાએ બાળકને ઘેરી ને બટકા ભરી લેતા તેને જમણા પગના સાથળના ભાગે ઇજા થતા બાળકને સારવાર માટે સિવિલ હોસ્‍પિટલમાં ખસેડાયો છે. સાગર બે ભાઇ અને એક બહેનમાં મોટો છે તેના પિતા કારખાનામાં કામ કરે છે.