તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
૭ જુનથી નિરંજન શાહ ક્રિકેટ સ્ટેડીયમ ખાતે SPTL ૨૦૨૫: પાંચ ટીમો વચ્ચે જામશે ખરાખરીનો જંગ
પાંચ ટીમોઃ અનમોલ કિંગ્સ હાલાર-આર્યન સોરઠ લાયન્સ-દિતા ગોહિલવાડ ટાઈટન્સ-ઝાલાવાડ સ્ટ્રાઈકર્સ-જેએમડી કચ્છ રાઈડર્સ : દરેક ટીમ બે લીગ મેચ રમશે, ફાઈનલ સહિત કુલ ૨૧ મેચ રમાશેઃ આવતીકાલે ખેલાડીઓનું ડ્રાફટીંગ
રાજકોટઃ આઈપીએલ પૂર્ણતાના આરે છે ત્યારે રાજકોટમાં આગામી જુનમાં સૌરાષ્ટ્ર પ્રો ટી.૨૦ લીગ ટૂર્નામેન્ટ નિરંજન શાહ ક્રિકેટ સ્ટેડીયમ ખાતે રમનાર છે. સૌરાષ્ટ્ર ક્રિકેટ એસોસીએશન આયોજીત આ ટૂર્નામેન્ટમાં કુલ પાંચ ટીમો ભાગ લેનાર છે. દરેક ટીમ બે લીગ મેચ રમનાર છે. કુલ ૨૧ મેચો રમનાર છે. આવતીકાલે ખેલાડીઓનું ડ્રાફટીંગ થશે તેમ આજે યોજાએલ પત્રકાર પરિષદમાં જણાવ્યું હતું.
સૌરાષ્ટ્ર ક્રિકેટ એસોસિએશનના પ્રમુખ શ્રી જયદેવ શાહ શ્રી હિમાંશુ શાહ - માનદ સચિવ, શ્રી શ્યામ રાયચુરા - માનદ ખજાનચી અને શ્રી કરણ શાહ - માનદ સંયુક્ત સચિવની હાજરીમાં મીટને સંબોધિત કરી હતી.
શ્રી જયદેવ શાહે જણાવેલ કે સૌરાષ્ટ્ર પ્રો ટી૨૦ લીગ વિશે જાહેરાત કરતા મને ખૂબ આનંદ થાય છે, જે સૌરાષ્ટ્રની ક્રિકેટ સફરમાં એક રોમાંચક નવો અધ્યાય છે. આ ટુર્નામેન્ટ સૌરાષ્ટ્ર ક્રિકેટ એસોસિએશન દ્વારા અમારા દેશમાં વ્યાવસાયિક સ્તરે રમતને વધુ પ્રોત્સાહન અને વિકાસ આપવા માટે એક સીમાચિﾎરૂપ પહેલ છે. સૌરાષ્ટ્ર પ્રો ટી૨૦ લીગમાં સૌરાષ્ટ્ર અને કચ્છ અને તેની બહારના પ્રદેશના ટોચના અને ઉભરતા પ્રતિભાઓ ભાગ લેશે, જે યુવા અને ઉભરતા ક્રિકેટરોને સૌરાષ્ટ્રના અનુભવી ખેલાડીઓ સાથે તેમની કુશળતા દર્શાવવા માટે એક મજબૂત પ્લેટફોર્મ પૂરું પાડશે.
મને વિશ્વાસ છે કે SPTL સૌરાષ્ટ્ર અને કચ્છના ખેલાડીઓને રમતના સૌથી લોક-યિ ફોર્મેટ માટે એક ઉત્તમ પ્લેટફોર્મ અને એક્સપોઝર આપશે અને તેઓ આવી સ્પર્ધાત્મક અને ઉત્સાહવર્ધક ટુર્નામેન્ટ માટે સારો આત્મવિશ્વાસ બનાવશે. અને સૌરાષ્ટ્ર ક્રિકેટ એસોસિએશનનો ઉદ્દેશ્ય શ્રેષ્ઠ માળખાગત સુવિધાઓ સાથે સ્પર્ધાત્મક ટુર્નામેન્ટના આવા પ્લેટફોર્મ પૂરા પાડવાનો છે જેથી વધુને વધુ ખેલાડીઓ ટીમ ઈન્ડિયાનું પ્રતિનિધિત્વ કરે અને સૌથી લોકપ્રિય આઈપીએલમાં તેમની પસંદગી થાય.
આવતીકાલે, એટલે કે ૨૭મીના રોજ ખેલાડીઓના ડ્રાફિં્ટગનું આયોજન કર્યું છે. ડ્રાફિં્ટગ માટે ત્રણ શ્રેણીઓમાં લગભગ ૧૨૫ સારા ખેલાડીઓનો પૂલ હોવાનું જણાવાયું છે.
SPTL ૨૦૨૫ ૭ જૂનથી ૨૦ જૂન ૨૦૨૫ સુધી રમાશે. આ ટુર્નામેન્ટમાં પાંચ ટીમો ભાગ લેશે. SPTL ૨૦૨૫ માં ફાઇનલ સહિત લગભગ ૨૧ મેચો રમાશે.
ટુર્નામેન્ટ દરમિયાન સારા મનોરંજનનો પણ ઉમેરો કરાશે. જેમાં ઉદ્ધાટન સમારોહનો પણ સમાવેશ થાય છે. બધી મેચોનું જીવંત પ્રસારણ અને પ્રસારણ કરવામાં આવશે જેથી દરેક ભાગ લેનાર ખેલાડીઓને રાષ્ટ્રીય અને વૈશ્વિક પ્લેટફોર્મ પર તેમની પ્રતિભાની સારી ઓળખ મળે.
બંગાળ પ્રો ટી૨૦ લીગના સફળ સંચાલન માટે માન્યતા પ્રાપ્ત અરિવા સ્પોર્ટ્સ પ્રાઇવેટ લિમિટેડને સૌરાષ્ટ્ર પ્રો ટી૨૦ લીગના વિશિષ્ટ સંચાલન અધિકારો સોંપવામાં આવ્યા હોવાનું અંતમાં જણાવાયું છે.
સૌરાષ્ટ્ર પ્રો ટી૨૦ લીગના ચેરમેન શ્રી જયદેવ શાહે વધુ વિગતો આપતા કહ્યું,આ ફ્રેન્ચાઇઝી આધારિત ટુર્નામેન્ટમાં પાંચ ટીમો હશે. ટીમોના નામ સૌરાષ્ટ્ર-કચ્છના ઐતિહાસિક અને લોકપ્રિય -દેશો દ્વારા રાખવામાં આવ્યા છે અને તેમની સંબંધિત ફ્રેન્ચાઇઝી સાથે જોડાયેલા છે. પાંચ ટીમોના નામ અનમોલ કિંગ્સ હાલાર, આર્યન સોરથ લાયન્સ, દિતા ગોહિલવાડ ટાઇટન્સ, ઝાલાવાડ સ્ટ્રાઇકર્સ અને જેએમડી કચ્છ રાઇડર્સ હશે. દરેક ટીમ બે લીગ મેચ રમશે અને આમ ટુર્નામેન્ટમાં ફાઇનલ સહિત ૨૧ મેચ હશે.
(3:58 PM IST)
