રાજકોટઃ શહેરના કાલાવડ રોડ પર કોસ્‍મોપ્‍લેક્‍સ સિનેમા નજીક સાંજે આઠેક વાગ્‍યે બસ સાથે બૂલેટ ધડાકાભેર અથડાતાં બૂલેટ પર બેઠેલા બે પિત્રાઇ ભઅઇઓને ઇજા થઇ હતી. જાણવા મળ્‍યા મુજબ રૂડાનગર-૩માં રહેતોં અને કોલેજમાં અભ્‍યાસ કરતો ક્રિશ ઘેલાભાઇ ઝાપડા તેના કાકાના દિકરા ભાઇ ઉદય ધીરૂભાઇ ઝાપડાને બૂલેટમાં બેસાડીને આટો મારવા નીકળ્‍યા બાદ કાલાવડ રોડ તરફથી ઘર તરફ જતો હતો ત્‍યારે વચ્‍ચે અચાનક એક બસ આવી જતાં બસ સાથે બૂલેટ અથડાતાં બંને ભાઇ રોડ પર ફેંકાઇ જતાં ક્રિશને ગંભીર ઇજા થતાં ખાનગી હોસ્‍પિટલમાં અને ઉદયને સિવિલ હોસ્‍પિટલમાં ખસેડાયો હતો. ક્રિશ બે ભાઇમાં નાનો છે અને ઉદય નવમુ ધોરણ ભણે છે. તસ્‍વીરમાં બસ સાથે અથડાયા બાદ બૂલેટ ફંગોળાઇ ગયું હતું તે જોઇ શકાય છે