રાજકોટ તા. ૧૭: આગામી તા. રપ મીએ રાજકોટ કલેકટરના અધ્‍યક્ષપદે લેન્‍ડગ્રેબીંગ કમિટીની મહત્‍વની બેઠક મળશે, આ વખતે કેસનો ધોધ વહ્યો હોય તેમ કલેકટર કમિટી સમક્ષ ૧૦૦ જેટલાં કેસો મુકાવાના હોય બેઠક પણ લાંબી ચાલશે.કલેકટર સમક્ષ લેન્‍ડ ગ્રેબીંગ અંગેની ફરિયાદોનો રાફડો ફાટયો છે, જે તે મામલતદાર તથા પોલીસ તંત્ર દ્વારા તપાસ બાબત કેસો મુકાય છે, આ વખતે ૧૦૦ ક઼ેસ હોય તે સંદર્ભે નવા નિયમો મુજબ ર૦ જેટલા પક્ષકારોને નોટીસો આપી સાંભળવા માટે રૂબરૂ બોલાવાયા છે.

ગયા વખતે કમિટી સમક્ષ ૬૦ થી વધુ કેસો મુકાયા હતા, તેમાં માત્ર ૧ કેસમાં ફોજદારી કરવાનો નિર્ણય લેવાયો હતો, આ વખતે તો ર થી ૩ મોટા પણ ઝપટે ચડે તો નવાઇ નહીં તેમ સૂત્રો ઉમેરી રહ્યા છે.