રાજકોટઃ શહેરના એ ડિવિઝન પોલીસ સ્ટેશન ખાતે વધુ એક વખત આજે બપોરે બાદ કિન્નરોએ બબાલ મચાવી સૂત્રોચ્ચાર કરતાં પોલીસ દ્વારા કાર્યવાહીની તજવીજ થઈ હતી. જાણવા મળ્યા મુજબ જ્યુબિલી બાગ નજીમ રામનાથપરા વિસ્તારના વાહન ચાલકનું વાહન એક કિન્નરના વાહનને અડી જતાં બોલાચાલી થઈ હતી. ફરિયાદ નોંધાવવા આવ્યા બાદ ફરિયાદ નોંધાય એ પહેલાં જ આરોપીઓને પકડી સરઘસ કાઢવાની માંગણી સાથે કિન્નરો દ્વારા માંગણી કરી સૂત્રોચ્ચાર કરવામાં આવતાં અને પોલીસ સ્ટેશન બહાર દેખાવો કરવામાં આવતાં પોલીસે કાર્યવાહી હાથ ધરી હતી. એસીપી સહિતના અધિકારીઓ પોલીસ સ્ટેશને પહોંચ્યા હતાં. અગાઉ પણ અસલી કિન્નરો અને નકલી કિન્નરોના વિવાદમાં કિન્નનરોએ વસ્ત્રો ઉતારી પોલીસ સ્ટેશન બહાર દેખાવો કરતાં ટ્રાફિકજામ થયો હતો. આજે પણ ફરી આવા દ્રશ્યો સર્જાયા હતાં.