મોરબીમાં આજે શુક્રવારે બિલ્ડકોન એકસ્પોની પ્રિ-લૉન્ચ ઇવેન્ટ યોજાનાર છે. જેમાં ખ્યાતનામ અભિનેતા અને આ એક્સપોના બ્રાન્ડ એમ્બેસેડર સુનિલ શેટ્ટી હાજરી આપવાના છે.આગામી ૧૩ થી ૧૬ એપ્રીલ, ૨૦૨૫ દરમિયાન દિલ્હી ખાતે યશોભુમી એક્ઝિબિશન સેન્ટરમાં ‘બિલ્ડીંગ મટીરીયલ્સનો ઇન્ટરનેશનલ એકસ્પો – વાઈબ્રન્ટ બિલ્ડકોન’ યોજાવા જઈ રહ્યો છે. આ પ્રખ્યાત વાઇબ્રન્ટ બિલ્ડકોન’ એકસ્પોની પ્રિ લૉન્ચ ઇવેન્ટ મોરબી ખાતે રાખેલ છે જેમા ખ્યાતનામ બોલીવુડ અભિનેતા, બિઝનેસમેન અને એક્સ્પોના બ્રાન્ડ એમ્બસેડર તરીકે આજે સુનીલ શેટ્ટી ઉપસ્થિત રહેવાના છે. આ પ્રિ-લોન્ચિંગ ઇવેન્ટ આજે મોરબીમાં કેશવ બેંકવેટ હોલ ખાતે સાંજે ૪:૦૦ થી ૭:૦૦ વાગ્યે રાખેલ છે. સુનિલ શેટ્ટીનું આજે રાજકોટના એરપોર્ટ ખાતે આગમન થયું હતું ત્યારે તેમનું સ્વાગત કરવામાં આવ્યું હતું જે તસવીરમાં નજરે પડે છે.