રાજકોટઃ શહેર પોલીસ દેશી વિદેશી દારૂની બદ્દી દૂર કરવા અવાર-નવાર ડ્રાઇવ યોજે છે અનેનાના મોટા છુટક જથ્થાબંધનું વેંચાણ કરતાં બૂટલેગરોને દબોચે છે. તાજેતરમાં જ પોલીસે ડ્રાઇવ યોજી દેશીના ધંધાર્થીઓને દબોચ્યા હતાં. લાખોનો વિદેશી શરાબ પણ પકડ્યો હતો. ત્યાં સોશિયલ મિડીયામાં એક વિડીયો વાયરલ થયો છે જેમાં પાન-બીડી-મસાલા અને ઇંડાના વેંચાણની સાથે સાથે એક કેબીનમાં દેશી દારૂના બુંગીયા પણ વેંચાતા હોવાનું દેખાય છે. ચોંકાવનારી વાત એ છે કે આ કોથળીઓનું વેંચાાણ એક સગીર છોકરો કરી રહ્યો છે. તે આ કેબીનમાં ૩ હજારના પગારથી કામ કરતો હોવાનું અને રોજ પાંચ પાંચ લિટર લાવીને વેંચતો હોવાનું બોલે છે. વિડીયો કયાંનો છે તે સ્પષ્ટ થતું નથી. પોલીસે આ મામલે તપાસ શરૃ કરી છે. તસ્વીરમાં કેબીનમાં બેઠેલો સગીર, ગ્રાહક આવતાં નીચેથી કોથળો કાઢી તેમાંથી બુંગીયો આપતો અને ગ્રાહક તેને લઇ જતો દેખાય છે