રાજકોટ તા. ર૪: રાજકોટ સહિત સૌરાષ્‍ટ્રના અનેક વિસ્‍તારોમાં મેઘરાજાએ જમાવટ શરૂ કરી છે, જેના કારણે સૌરાષ્‍ટ્રના ૭ ડેમોમાં નવા પાણીની આવક થઇ હતી. રાજકોટના ન્‍યારી-ર ડેમ ઉપર ધોધમાર ર ઇંચ વરસાદ પડતા ડેમમાં પોણા ફૂટ નવા પાણીનો વધારો થયો હતો. અને હાલની કુલ જીવંત સપાટી ૮ાા ફુટે પહોંચી છે. આવી જ રીતે ફોફળમાં ૦.૧૦ ફુટ, તો આજી-૧માં ૦.૧૦ ફુટ નવું પાણી આવ્‍યું છે. આજી-૧ની સપાટી ર૦.૮૦ ફુટે પહોંચી છે.

આ ઉપરાંત મોરબીના મચ્‍છુ-ર માં ૦.૬૯ ફુટનો વધારો થતા હાલ જીવંત સપાટી ૮.૧૦ ફુટ થઇ છે. જયારે બ્રાહ્મણી-ર માં ૦.૧૬, વઢવાણ ભોગાવો-ર માં ૦.ર૦ તથા લીંબડી ભોગાવો-રમાં ૦.૧૬ ફુટનો વધારો નોંધાયાનું ડેમના કન્‍ટ્રોલ રૂમના અધીકારીઓ ઉમેરી રહ્યા છે.